Ο βιβλιάριος Κον Κερέλα Οντουβά σο Μανγκέλα ο Ιεχωβά Αμαρέ Ντιβεσέντε; κερντιλό για τι διαβάνας-λες ι τζενέντζαρ σο κεράσα λένγκε μελέτη κατά Γραφή είτε πριν είτε μετά κατά μελέτη. * Ο μαθήματα 1 μέχρι 4 βοηθίνενα ι τζενέν σο κεράσα λένγκε μελέτη τι σικλιόν σο λαός ισινάμ, ο μαθήματα 5 μέχρι 14 σικαβένα λένγκε ο πράγματα σο κεράσα ντα ο μαθήματα 15 μέχρι 28 βοηθίνενα-λεν τι ντικχέν πασάλ αμαρί οργάνωση. Ο πιο μπουτ φαρ ισί λατσσό τι διαβάνεν ο μαθήματα με εκ σειράς, εκτός άμα εκ μάθημας τθερέλα εκ θέμας σο ενδιαφερίνελα-τουμέν. Ο κάθε μάθημας ισί εκ σελίδα ντα μπορίνενα τι διαβάνεν-λες ι πιο μπουτ τζενέντζαρ σο κερένα λένγκε μελέτη αντρέ σε παντς ή ντες λεπτά.

• Βακερέν ι τζενέσκε τι ντελ προσοχή κι ερώτηση σο ισί ο θέμας ι μαθημάσκο

• Διαβάνεν ο μάθημας γιεκ, είτε σαρό κατευθείαν είτε κάθε υπότιτλος ξεχωριστά

• Συζητίνεν οντουλά σο διαβάνενα. Χρησιμοποιήνεν ο ερωτήσεις σο τθερέλα κο τέλος η σελίδα ντα ο φωτογραφίες. Διαβάνεν ντα συζητίνεν ι τζενέσαρ ο εδάφια σο πακιάνα ότι κα βοηθίνεν-λες πιο μπουτ. Σικαβέν ότι ο υπότιτλοι ι πιο καλέ γραμματέντζαρ απαντίνενα κι ερώτηση σο τθερέλα ο θέμας

• Άμα υπαρχίντιβελα πλαίσιος «Σικλιόν πιο Μπουτ», διαβάνεν-λες γιεκ ντα βακερέν ι τζενέσκε ότι ισί λατσσό τι κερέλ οντουλά σο βακερέλα ο πλαίσιος