Ο βιβλιάριος Τι Ασουνέν ι Ντεβλές τθερέλα φωτογραφίες για τι σικλιαρέλ βασικά πράγματα ι Γραφιάκε οντουλέ τζενέν σο να μπορίνενα τι διαβάνεν. Κάθε μάθημας τθερέλα ντούι σελίδες με φωτογραφίες σο ισί μπουτ λατσσές κερντέ. Κο φωτογραφίες υπαρχίντιβενα βελάκια σο σικαβένα καλέ σειράσαρ κα συζητίνεν ο μάθημας.

Ο βιβλιάριος Τι Ασουνέν ι Ντεβλές ντα κα Τζουβντιόν για Πάντα τθερέλα ο ίδιες φωτογραφίες ι γιαβερέ βιβλιαριόσαρ, αλλά τθερέλα πιο μπουτ γράμματα ντα μπορίνελα τι χρησιμοποιήντιβελ ι τζενένγκε σο τζανένα τι διαβάνεν χάνικ. Ο ευαγγελιζόμενοι μπουτ φαρ μπεϊντίνενα τι κερέν ι μελέτη ι βιβλιαριόσαρ Τι Ασουνέν ι Ντεβλές ντα κα Τζουβντιόν για Πάντα, ενώ ο τζενό σο σικλιόλα κατά Γραφή τθερέλα πι βαστέντε ο βιβλιάριος Τι Ασουνέν ι Ντεβλές. Μπουτ σελίδες τθερένα εκ πλαίσιος με πιο μπουτ πληροφορίες σο μπορίνενα τι συζητίνεν, ανάλογα με το ικανότητες ι τζενέσκε.

Μπορίνενα τι ντεν ο εκ ή ο γιαβέρ βιβλιάριος κάθε φαρ σο ντιντιόλα-τουμέν η ευκαιρία, ατζέ-ντα άμα νανέ κο έντυπα σο ντάσα οντουλέ μασικέστε. Όταν κερένα εκ μελέτη, τι χρησιμοποιήνεν ο φωτογραφίες για τι εξηγίνεν οντουλά σο βακερέλα η Γραφή. Τι κερέν ερωτήσεις για τι τσσουβέν ι τζενές αντρέ κι συζήτηση ντα για τι αβέν σίγουροι ότι αγαβέλα οντουλά σο συζητίνενα. Τι διαβάνεν ντα τι συζητίνεν ο εδάφια σο τθερέλα κο τέλος η σελίδα. Αφού κα τελειώνεν ο βιβλιάριος, συνεχίνεν ι μελέτη κατά βιβλίος Σο Μπορίνελα τι Σικλιαρέλ-αμέν η Αγία Γραφή; για τι βοηθίνεν ι τζενές τι κερέλ πρόοδος ντα τι ερεσέλ κο μπολιπέ.