Ο Ιερεμίας τθερέλας ο διορισμός τι βακερέλ κο Ιουδαίοι ότι λένγκο τθεμ κα καταστραφίντιβελας επειδή μπισταρντέας πουμαρέ Ντεβλές, ι Ιεχωβάς. (Ιερ 13:25) Σαρ ερεσλέ ο Ιουδαίοι κο σημείος τι κερέν-λες ανταβά; Ο φαμιλιά ι Ισραηλιτένγκε χασαρντέας πουμαρί πίστη κο Ιεχωβά. Ο μουρσά σο κερένας κουμάντος κο φαμιλιά να κερένας οντουλά σο βακερέλας ο Ιεχωβά κο εδάφια Δευτερονόμιο 6:5-7.

Αντιβές, ο φαμιλιά σο τθερένα ζουρανί πίστη βοηθίνενα αμαρέ εκκλησίες. Για τι βοηθίνεν πουμαρέ τζενέν τι ντεν-πες γκοντί ι Ιεχωβάς, ο μουρσά σο κερένα κουμάντος αντρέ κι φαμιλί μπορίνενα τι τσσουβέν εκ λατσσό πρόγραμμας για τι κερέν ι Φαμιλιάκι Λατρεία κάθε εβδομάδα. (Ψλ 22:27) Ντικχέν ο βίντεος «Αυτά τα Λόγια . . . Πρέπει να Είναι στην Καρδιά Σου»—Συνεντεύξεις από Οικογένειες, ντα σοράν απαντίνεν κο ερωτήσεις:

• Σαρ μπορισάλε μερικά φαμιλιά τι νακχαβέν ο δυσκολίες σο υπαρχίντιβενα μπουτ φαρ κι φαμιλιάκι λατρεία;

• Σαρ βοηθίντιβενα ο φαμιλιά όταν τσσουβένα εκ πρόγραμμας για τι κερέν ι Φαμιλιάκι Λατρεία κάθε εβδομάδα ντα με τρόπος σο μπεϊντίνενα σαρέ;

• Όταν αβέλα ο σαάτι τι κεράς ι φαμιλιάκι λατρεία, καλά δυσκολίες τθεράβα με ντα σο κα κεράβ για τι νακχαβάβ-λεν;