ΣΟΣΚΕ ΙΣΙ ΣΗΜΑΝΤΙΚΟΣ: Μπουτ κορορέ λατζάνα τι κερέν λάφι τζενέντζαρ σο να τζανένα. Οτθάρ, πρέπει τι αρακχάς εκ λατσσό τρόπος τι βακεράς λένγκε ι Ντεβλέσκε. Ο Ιεχωβά πφαμπόλα ι κορορένγκε. (Λευ 19:​14) Αμέν μοιάζασα κο Ιεχωβά κάνα βοηθίνασα ι κορορέν τι σικλιόν λέσκε.

ΣΟ ΤΙ ΚΕΡΕΝ:

• «Ρόντεν» ι κορορένγκε. (Ματ 10:​11) Τζανένα καεκχές σο τθερέλα κορορέ τζενές πι φαμιλιάτε; Τθερένα οτθέ σο κερένα έργος σχολεία, γηροκομεία ή κάτι ασακό, σο κα μανγκένας έντυπα ή γιαβερά πράγματα σο ισί ι κορορένγκε;

• Σικαβέν ότι πφαμπόνα λένγκε. Άμα κα αβέν φιλικοί ντα κα σικαβέν ότι πφαμπόνα λένγκε, κα βοηθίνεν-λεν τι πουτρέν-πες. Προσπαθίνεν τι κερέν λάφι εκχέ θεμάσκε σο μανγκένα τι σικλιόν

• Βοηθίνεν-λεν τι σικλιόν ι Ιεχωβάσκε. Για τι βοηθίνελ τζενέν σο ισί κορορέ ή ναστί ντικχένα λατσσές, η οργάνωση νικαβέλα έντυπα ντα γιαβερά πράγματα. Πουτσέν ι τζενές σαρ μπεϊντίνελα πιο μπουτ τι σικλιόλ. Ο επίσκοπος υπηρεσίας πρέπει τι αβέλ σίγουρος ότι ο πφραλ σο ισί κο έντυπα κερντάς ι παραγγελία σο μανγκέλα ο κάθε κορορό