Ατζεχάνικ, ο Ιεχωβά κα τσσιναβέλ τι κερέλ υπομονή ανταλέ ντουνιάσαρ. Η ψεύτικη θρησκεία κα καταστραφίντιβελ, ο τθεμά κα γκιντίντιβεν σαρέ γιεκ για τι κερέν επίθεση κι Ντεβλέσκο λαός ντα ο Ιεχωβά κα καταστραφίνελ ι πφιρνέν κο Αρμαγεδδώνας. Ο Χριστιανοί μπεσένα σαρ σαρ τι αβέν-πες ανταλά μπουτ μπαρέ ντα σημαντικά πράγματα.

Βέβαια, να τζανάσα σαρέ ο λεπτομέρειες για τη μπαρί στεναχώρια. Για παράδειγμας, να τζανάσα κάνα ακριβώς κα αρχίνελ. Να τζανάσα σαρ κα δικαιολογίνεν ο κυβερνήσεις ι επίθεση σο κα κερέν κι θρησκεία. Να τζανάσα καζόμ κα ατσσικιαρέλ η επίθεση κο λαός κι Ντεβλέσκο ή σο κα αβέλ-πες. Επίσης, να τζανάσα ακριβώς σαρ κα καταστραφίνελ ο Ιεχωβά ι πφιρνέν κο Αρμαγεδδώνας.

Όμως, η Γραφή ντέλα-αμέν σαρέ ο πληροφορίες σο χρειαζίντιβασα για τι ντικχάς ανγκλάλ με σιγουριά ντα θάρρος. Για παράδειγμας, τζανάσα ότι τζουβντιάσα κο τέλος “κι τελευταίε ντιβεσένγκο”. (2Τι 3:1) Τζανάσα ότι η επίθεση κι θρησκεία κα “τελειώνελ σουγκό” για μα τι καταστραφίντιβελ η αληθινή θρησκεία. (Ματ 24:​22) Τζανάσα ότι ο Ιεχωβά κα σώνελ πι λαός. (2Πε 2:9) Ντα τζανάσα ότι Οντουλές σο τραμπιντάς ο Ιεχωβά για τι καταστραφίνελ ι πφιρνέν ντα τι νακχαβέλ ο μπαρό πλήθος αντράλ κατά Αρμαγεδδώνας ισί δίκαιος ντα ζουρανό.​—Απ 19:​11, 15, 16.

Οντουλά σο κα αβέν-πες ανγκλ’ αμέντε σίγουρα κα κερέν ι τζενέν τι «μπαϊλντίνεν πουμαρέ νταριάταρ». Αμέν όμως, επειδή διαβάνασα ντα σκεφτίνασα λατσσές οντουλά σο κερντάς ο Ιεχωβά για τι σώνελ πι λαός κο πουρανέ μπρεσά ντα οντουλά σο κα κερέλ ανγκλ’ αμέντε, μπορίνασα τι “ιστιάς ντα τι βάντας αμαρό σορό”, σόσκε τζανάσα ότι ερεσέλα ο ντιβές σο κα ελευθερώντιβας.​—Λου 21:​26, 28.