Καζόμ ερεσέλα η μπαρί στεναχώρια, ο έργος σο κεράσα αβέλα ατζέκ πιο σημαντικός. (Παρ 24:11, 12, 20) Για τι βοηθίνας ι τζενέν, μπορίνασα τι χρησιμοποιήνας ο κάρτες σο τθεράσα για τι σικαβάς λένγκε πράγματα κατά Ντεβλέσκο Λάφι ντα κατά ιστότοπος αμαρέσταρ. Η κάρτα τθερέλα εκ κωδικός σο γκερέλα-αμέν κο βίντεος Σόσκε Αξίνελα τι Κερέν Μελέτη Κατά Αγία Γραφή; ντα σε εκ αίτηση για πιο μπουτ πληροφορίες ή για εκ μελέτη κατά Γραφή. Κάποια τζενέ να μανγκένα τι λεν έντυπα, αλλά κα μανγκένας τι τζαν κο ιστότοπος αμαρέστε. Μα λατζάν τι ντεν-λεν εκ κάρτα. Όμως, μα μουκχέν ο κάρτες οντουλέ τζενέντε σο να σικαβένα ενδιαφέρον.

Ενώ κερένα τουμαρέ μπουτιά ή γιαβερά πράγματα κάθε ντιβές, για τι ταρτίνεν ι προσοχή εκχέ τζενέσκι κα μπορίνενας τι βακερέν: «Κα μανγκάβας τι νταβ-τουτ κάτι. Ακαγιά κάρτα γκερέλα-τουτ σε εκ ιστότοπος σο μπορίνεσα τι αρακχές πληροφορίες ντα τι ντικχές βίντεα για μπουτ θέματα χωρίς τι ποκινές». (Ιωα 4:7) Επειδή ο κάρτες σο σικαβένα αμαρό ιστότοπος ισί χουρντέ, μπορίνενα τι τθερέν μερικές τουμέντζαρ για τι ντεν-λεν κάθε φαρ σο ντιντιόλα-τουμέν η ευκαιρία.