Καλά ιδιότητες μανγκένα τι τθερέν τουμαρέ αμαλά; Σίγουρα τι αβέν αφοσιωμέ, τι σικαβέν λατσσιπέ ντα τι ντεν αντράλ πουμαρέ γκίσταρ. Ο Ιεχωβά τθερέλα-λεν σαρέ ανταλά. (Εξ 34:6· Πρ 14:​17) Ασουνέλα τουμαρέ προσευχές. Ισί πασέ τουμέντε κάνα τθερένα-λες ανάγκη. (Ψλ 18:​19, 35) Μπιστρέλα τουμαρέ λάθη. (1Ιω 1:9) Σαβό λατσσό Αμάλ ισί ο Ιεχωβά!

Σαρ μπορίνενα τι αβέν αμαλά ι Ιεχωβάσαρ; Τι διαβάνεν λέσκο Λάφι για τι σικλιόν λέσκε. Τι μουτθαβέν λέσκε οντουλά σο τθερένα τουμαρέ γκοντιάτε ντα τουμαρέ γκίστε. (Ψλ 62:8· 142:2) Τι ντικχέν τουμέν-ντα σημαντικά οντουλά σο ντικχέλα ο Ιεχωβά, σαρ ισί λέσκο Τσσαβό, λέσκι Βασιλεία ντα οντουλά σο βακερντάς ότι κα κερέλ ανγκλ’ αμέντε. Τι βακερέν κο γιαβερά τζενέ λέσκε. (Δευ 32:3) Άμα μαρένα-τουμέν τι αβέν λατσσέ αμαλά ι Ιεχωβάσαρ, κα ατσσόλ τουμαρό Αμάλ για πάντα.​—Ψλ 73:​25, 26, 28.

ΝΤΙΚΧΕΝ Ο ΒΙΝΤΕΟΣ ΤΕΡΝΑΛΕΝ​—«ΔΟΚΙΜΑΝΕΝ ΝΤΑ ΝΤΙΚΧΕΝ ΟΤΙ Ο ΙΕΧΩΒΑ ΙΣΙ ΛΑΤΣΣΟ» ΝΤΑ ΣΟΡΑΝ ΑΠΑΝΤΙΝΕΝ ΚΟ ΕΡΩΤΗΣΕΙΣ:

• Σο μπορίνενα τι κερέν ακανά για τι αβέν έτοιμοι τι αφιερώντιβεν ντα τι μπολντιόν;

• Σαρ μπορίνενα ο γιαβερά κι κχανγκιρί τι βοηθίνεν-τουμέν τι κερέν πράγματα ι Ιεχωβάσκε;

• Σαρ κερέλα ο έργος πιο ζουρανί τουμαρί φιλία ι Ιεχωβάσαρ;

• Σο μπορίνενα τι τραμπίνεν τι κερέν κι Ιεχωβάσκι υπηρεσία;

• Σο μπεϊντίνενα τουμέν κατά Ιεχωβά;