Ο Μάρτυρες ι Ιεχωβάσκε τθερένα εκ μπαρό προνόμιος. Σαρ μπολντέ Χριστιανοί, σο ντινάμ αμαρί ζωή κο Ντεβέλ, συνεχίνασα τι κεράς ατζέ πιο λατσσί ντα ατζέ πιο ζουρανί αμαρί φιλία ι πιο Μπαρέ Κυριόσαρ ι Ιεχωβάσαρ. Βοβ αντράλ πι Τσσαβέσταρ ταρτιντάς-αμέν πασέ πέστε. (Ιωα 6:​44) Ασουνέλα αμαρέ προσευχές.​—Ψλ 34:15.

Σαρ κα αρακχαβάς αμαρί φιλία ι Ντεβλέσαρ σο ισί αζόμ σημαντική; Πρώτα, δεν πρέπει τι κεράς ο αμαρτίες σο κερντέ ο Ισραηλίτες. Χάνικ πιο σοράν κατά συμφωνία σο πφαντέ τι ντεν καν ι Ιεχωβάς, κερντέ εκ χρυσός μοσχάρι ντα ντένας-λες λατρεία. (Εξ 32:7, 8· 1Κο 10:7, 11, 14) Κα αβέλας λατσσό τι πουτσάς-αμέν: “Σο κεράβα με ανγκλάλ κο πειρασμός; Σικαβάβα οντουλέντζαρ σο κεράβα ότι ντικχάβα μι φιλία ι Ιεχωβάσαρ μπουτ σημαντική;” Η μπαρί αγάπη σο τθεράσα αμαρέ Νταντέσκε, σο ισί κο ουρανός, κα βοηθίνελ-αμέν τι νασάς κατά πράγματα σο μισίνελα.​—Ψλ 97:10.

ΝΤΙΚΧΕΝ Ο ΒΙΝΤΕΟΣ ΤΙ ΑΡΑΚΧΑΒΕΝ ΤΟΥΜΑΡΙ ΦΙΛΙΑ Ι ΙΕΧΩΒΑΣΑΡ (ΚΟΛ 3:5), ΝΤΑ ΣΟΡΑΝ ΑΠΑΝΤΙΝΕΝ ΚΟ ΕΡΩΤΗΣΕΙΣ:

• Καλά πράγματα μανγκέλα ντα κερέλα οντουβά σο ισί μπίτσαλε γιακχάκο;

• Σόσκε δεν πρέπει τι αβάς μπίτσαλε γιακχίνγκε ντα τι μουκχάς γιαβερά πράγματα τι αβέν σαρ ντεβέλ αμένγκε;

• Σόσκε οντουλά σο ισί παντριμέ άμα τζάνα γιαβερέσαρ ισί σαρ τι ντένα λατρεία κο είδωλα;

• Σόσκε πρέπει οντουλά σο τθερένα ευθύνες κι οργάνωση τι κερέν σο νακχέλα λένγκε βαστένταρ για τι ντεν οντουλά σο χρειαζίντιβενα λένγκε ρομνιά;