Ο Ιεχωβά ντέλα-αμέν εργαλεία για τι σικλιαράς λατσσέ τροπόσαρ, σαρ ισί ο βίντεα, ο φυλλάδια, ο περιοδικά, ο βιβλιάρια, ο βιβλία ντα αμαρό πιο λατσσό εργαλείος, ι Αγία Γραφή. (2Τι 3:​16) Επίσης, ντέλα-αμέν εργαλεία για τι ρόντας σο βοηθίνενα-αμέν τι εξηγίνας ι Γραφή. Ανταλά ισί η Βιβλιοθήκη της Σκοπιάς, η εφαρμογή JW Library^®, η Σκοπιά​— ΒΙΒΛΙΟΘΗΚΗ ΚΟ ΙΝΤΕΡΝΕΤ™ ντα ο Οδηγός Έρευνας για τους Μάρτυρες του Ιεχωβά.

Καζόμ κα χαντζουβέν για τι αρακχέν διαμάντια κατά Αγία Γραφή αντρέ κο μπουτ έντυπα σο τθεράσα, κα πφερντιόν χαρά. Πρέπει όμως τι σικαβέν κο τζενέ-ντα σο σικλιαρένα σαρ τι χρησιμοποιήνεν ανταλά εργαλεία. Αντικάς, κα τθερέν βον-ντα χαρά καζόμ αρακχένα ο απαντήσεις κο ερωτήσεις σο τθερένα ι Γραφιάκε.

ΝΤΙΚΧΕΝ Ο ΒΙΝΤΕΟΣ ΤΙ ΤΘΕΡΕΝ Ι ΧΑΡΑ ΣΟ ΑΒΕΛΑ ΚΑΝΑ ΚΕΡΑΣΑ ΜΑΘΗΤΕΝ​—ΜΟΥΚΧΕΝ Ι ΙΕΧΩΒΑΣ ΤΙ ΒΟΗΘΙΝΕΛ-ΤΟΥΜΕΝ​—ΤΙ ΧΡΗΣΙΜΟΠΟΙΗΝΕΝ Ο ΕΡΓΑΛΕΙΑ ΓΙΑ ΤΙ ΡΟΝΤΑΣ ΝΤΑ ΣΟΡΑΝ ΑΠΑΝΤΙΝΕΝ ΚΟ ΕΡΩΤΗΣΕΙΣ:

• Σο βακερντάς η Τζέιντ ι πραγματένγκε σο λατσσαρντάς ο Ντεβέλ;

• Κατέ αρακχλάς η Νίτα ο πληροφορίες ανταλέ θεμάσκε;

• Σαρ τραμπιντάς ο πληροφορίες σο κα βακερέλας κι Τζέιντ;

• Σο λατσσιπέ ντικχλάς η Νίτα επειδή χρησιμοποιηντάς ο εργαλεία για τι ρόντας;