Κο Νοέμβριος, κα κεράς εκ μπαρί προσπάθεια για τι βακεράς ι τζενένγκε ότι ερεσέλα εκ πιο λατσσό ντουνιάς. (Ψλ 37:​10, 11· Απ 21:​3-5) Κερέν τουμαρό πρόγραμμας για τι συμμετεχίνεν καζόμ πιο μπουτ αβέλα-πες κι εκστρατεία. Άμα κα κερέν βοηθητικός σκαπανικός οντουβά μάσεκ, μπορίνενα τι τραμπίνεν τι κερέν είτε ο 30 είτε ο 50 σαάτια.

Προετοιμάντιβεν για τι βακερέν εκ εδάφιος ι νεβέ ντουνιάσκε καζόμ πιο μπουτ τζενέντε αβέλα-πες. Κάνα τραμπίνενα εδάφιος, τι σκεφτίνεν καβά πράγμας κα ερεσέλ κι τζενένγκο γκι. Άμα εκ τζενό κα σικαβέλ ότι μανγκέλα τι σικλιόλ πιο μπουτ κι πρώτη φαρ σο γκιλέν, ντεν-λες ι Σκοπιά Αρ. 2 2021. Σοράν, τζαν κο τζενό καζόμ πιο σουγκό αβέλα-πες για τι σικλιαρέν-λες ατζέ πιο μπουτ πράγματα ντα προσπαθίνεν τι αρχίνεν μελέτη κατά βιβλιάριος Μπουτ Σουκάρ Ζωή για Πάντα! Ισινάμ πφερντέ χαρά καζόμ βακεράσα αντράλ αμαρέ γκίσταρ κο γιαβερά «λατσσέ αμπέρια για κάτι πιο λατσσό»!​—Ησ 52:7.

ΝΤΙΚΧΕΝ Ο ΒΙΝΤΕΟΣ Ι ΓΚΙΛΙΑΚΟ Ο ΝΕΒΟ ΝΤΟΥΝΙΑΣ ΣΟ ΜΠΕΚΛΕΝΤΙΝΑΒΑ ΝΤΑ ΣΟΡΑΝ ΑΠΑΝΤΙΝΕΝ ΚΟ ΕΡΩΤΗΣΕΙΣ:

• Καβά σουκάρ πράγμας ανέλα πι γκοντιάτε η χουρντί;

• Σο μπεκλεντίνενα τι ντικχέν σαρ σαρ κο νεβό ντουνιάς;

• Σόσκε κα προετοιμάντιβεν πιο λατσσές για τι συμμετεχίνεν καζόμ πιο μπουτ αβέλα-πες κι εκστρατεία κο Νοέμβριος άμα κα σκεφτίνεν τουμαρί ελπίδα;​—Λου 6:45