Μπεϊντίνενα κο βιβλίος Μπουτ Σουκάρ Ζωή για Πάντα! ο βίντεα ντα ο ερωτήσεις σο σικαβένα σο πακιάλα ο τζενό; Επίσης, σαρ ντικχένα ο «Μερικά Τζενέ Βακερένα», ο «Σο Μανγκάβα τι Κεράβ» ντα ο «Ρόντε»; Καλά γιαβερά πράγματα μπέκιμ τι αβένας τουμένγκε λατσσέ κάνα κερένα μελέτη εκχέ τζενές;​—Ματ 28:​19, 20.

Πολυμέσα: Άμα μπεϊντίνενα πο μπουτ τι κερέν μελέτη ι τζενές αντράλ κατά τυπωμέ βιβλίος, σαρ κα αρακχέν εύκολα γκιντιμέ εκχέ τθανέστε σαρέ ο βίντεα ντα ο γιαβερά πολυμέσα; Κο ψηφιακός βιβλίος, τραμπίνεν εκ κατά σταρ βασικά μέρη. Κο τέλος κι μαθηματένγκο, μπορίνενα τι ντικχέν σαρέ ο πολυμέσα σο τθερέλα οντουβά μέρος. (Ντικχέν ι φωτογραφία 1)

Ντικχέν ι «Έντυπη Έκδοση»: Άμα κερένα μελέτη εκχέ τζενές από ηλεκτρονική συσκευή, μπέκιμ τι βοηθίνελ-τουμέν μπάζιμ τι χρησιμοποιήνεν ι «Έντυπη Έκδοση» καζόμ κερένα ι μελέτη. Σαρ ισινέν κο μάθημας, ισταβέν ο τριν τελείες οτθέ σο ισί γιαβερά-ντα επιλογές οπρέ κι σελίδα ντα τραμπίνεν «Έντυπη Έκδοση». Ανταβά μπέκιμ τι βοηθίνελ-τουμέν τι τθερέν ξεκάθαρα τουμαρέ γκοντιάτε σαρ ταιριάνελα οντουβά σο συζητίνενα με το θέμας ι μαθημάσκο. Για τι βουρτίνεν κι ψηφιακή έκδοση, ισταβέν πάλι κο τριν τελείες ντα τραμπίνεν «Ψηφιακή Έκδοση» ή ισταβέν ο μοβ κύκλος τελέ κι οθόνη.

«Ισινόμ Έτοιμος;»: Ανταλά πλαίσια σο ισί πασέ κο τέλος κι βιβλιόσκο βακερένα σο πρέπει τι κερέλ εκ τζενό για τι αβέλ έτοιμος τι κερέλ έργος ι κχανγκιριάσαρ ντα τι μπολντιόλ. (Ντικχέν ι φωτογραφία 2)

Σημειώσεις κο Παλαϊνέ Σελίδες: Ο σημειώσεις κο παλαϊνέ σελίδες εξηγίνενα μερικά σημαντικά θέματα. Ο ψηφιακός βιβλίος τθερέλα εκ σύνδεσμος κο τέλος κι κάθε σημείωση σο κα γκερέλ-τουμέν οτθέ σο ατσσιλένας κο μάθημας. (Ντικχέν ι φωτογραφία 2)