• Ψλ 92:5—Σαρ σικαβέλα ανταβά εδάφιος ι σοφία σο τθερέλα ο Ιεχωβά; (cl-G σ. 176 ¶18)

  Τι απάντηση

• Καλά διαμάντια αρακχλέν κο διάβασμας κατά Αγία Γραφή ανταγιά εβδομάδα;

  Τι απάντηση

Οντουλά σο υπηρετίνενα ι Ιεχωβάς τθερένα ανησυχίες. Για παράδειγμας, ο Δαβίδ μπουτ φαρ νιωσάλο ανησυχία ντα ανταβά αβέλα-πες μπουτέ πφραλέντζαρ-ντα αντιβές. (Ψλ 13:2· 139:23) Δυστυχώς, ο τερνέ-ντα επηρεάντιβενα κατά ανησυχίες. Μπάζιμ, δυσκολίντιβενα μπουτ τι κερέν ατζέ-ντα απλά πράγματα σαρ ισί τι τζαν κο σχολείος ή τι παρακολουθίνεν εκ συνάθροιση. Μπορεί τι παθίνενα κρίσεις πανικού ή τι σκεφτίνενα τι μουνταρέν-πες ιτιρί κατά ανησυχίες.

Τερνάλεν, άμα κάποια στιγμή κα νιωθίνεν ότι τασαβένα-τουμέν ο ανησυχίες, βακερέν-λες τουμαρέ νταντέστε ή τουμαρέ νταγιάτε ή εκχέ τζενέστε σο ισί ζουρανό κι πίστη. Οπωσδήποτε, μανγκέν με προσευχή κατά Ιεχωβά τι βοηθίνελ-τουμέν. (Φλπ 4:6) Βοβ σίγουρα κα βοηθίνελ-τουμέν. (Ψλ 94:17-19· Ησ 41:10) Ντικχέν σο αβιλό-πες με τον Στινγκ.

Τσσουβέν ο ΒΙΝΤΕΟΣ Ο Ιεχωβά Πφαμπιλό Μάνγκε. Σοράν πουτσέν:

• Καβά εδάφιος κατά Γραφή βοηθιντάς τον Στινγκ ντα σόσκε;

• Σο κερντάς ο Ιεχωβά για τι φροντίνελ-λες;

Νταντάλεν ντα νταγιάλεν, κα βοηθίνεν τουμαρέ τσσαβέν τι ντεν πέρα πουμαρέ ανησυχίες, άμα ασουνένα-λεν με υπομονή, άμα βακερένα λένγκε καμπόρ μανγκένα-λεν ντα άμα βοηθίνενα-λεν τι τθερέν ι σιγουριά ότι ο Ιεχωβά μανγκέλα-λεν. (Τιτ 2:4· Ιακ 1:19) Τι βασίντιβεν κο Ιεχωβά για τι ντελ-τουμέν ι παρηγοριά ντα ι ζορ σο χρειαζίντιβενα για τι στηρίνεν τουμαρέ τσσαβέν.

Αντρέ κι κχανγκιρί εκ πφραλ μπορεί τι νακχέλ μπαρέ ανησυχίες αλλά αμέν μα τι τζανάς-λες ανταβά ή μα τι αγαβάς σαρ νιωθίνελα. Σαρ-ντα τι αβέν ο πράγματα όμως, μπορίνασα τι βοηθίνας κάνα κεράσα σαρέ ι πφραλέν τι νιωθίνεν ότι μανγκάσα-λεν ντα ότι δεχτίνασα-λεν.—Παρ 12:25· Εβρ 10:24.