ΣΟΣΚΕ ΙΣΙ ΣΗΜΑΝΤΙΚΟΣ: Άμα «ο σκέψεις σο κερέλα ο τζενό αντρέ πι γκίστε ισί σαρ αχορτ πανιά», αζομάν ο ερωτήσεις ισί σαρ εκ κουβάς σο νικαβέλα-λεν. (Παρ 20:5) Όταν κεράσα ερωτήσεις, βοηθίνασα ι τζενέν τι κερέν βον-ντα λάφι. Ο απαντήσεις σο ντένα ο τζενέ όταν κεράσα λένγκε ερωτήσεις σο σκεφτιντάμ-λεν λατσσές, ο πιο μπουτ φαρ βοηθίνενα-αμέν τι σικλιάς σημαντικά πράγματα λένγκε. Ο Ιησούς κερέλας ερωτήσεις σο ανένας λατσσέ αποτελέσματα. Σαρ μπορίνασα τι κεράς-λες αμέν-ντα ανταβά;

ΣΟ ΤΙ ΚΕΡΕΝ:

• Τι κερέν ερωτήσεις σο κα τσσουβέν-λεν σε σκέψεις. Ο Ιησούς κερντάς μερικές ερωτήσεις για τι αγαβέλ σο πακιάνας λέσκε μαθητές. (Ματ 16:​13-16· be σ. 238 ¶3-5) Καλά ερωτήσεις κα μπορίνενας τι κερέν για τι τσσουβέν ι τζενέν σε σκέψεις;

• Τι κερέν ερωτήσεις σο κα οδηγίνεν κο σωστός συμπέρασμας. Για τι διορθώνελ ο τρόπος σο σκεφτίνελας ο Πέτρος, ο Ιησούς κερντάς ερωτήσεις ντα βακερντάς λέσκε ο απαντήσεις σο κα μπορίνελας τι τραμπίνελ. Ανταβά οδηγιντάς ι Πετρός κο σωστός συμπέρασμας. (Ματ 17:​24-26) Σο ερωτήσεις κα μπορίνενας τι κερέν για τι οδηγίνεν εκχέ τζενές τι ερεσέλ κο σωστός συμπέρασμας;

• Τι ισαρέν οντουλές σο ασουνέλα-τουμέν. Όταν εκ γραμματέας “απαντιντάς γκοντιάσαρ”, ο Ιησούς ισαρντάς-λες. (Μαρ 12:​34) Σαρ κα μπορίναας τι ισαράς εκχέ τζενές σο απαντίνελα εκχέ ερωτησιάτε;

ΝΤΙΚΧΕΝ Ο ΠΡΩΤΟΣ ΜΕΡΟΣ ΚΑΤΑ ΒΙΝΤΕΟΣ ΝΑ ΚΑΝΕΤΕ ΤΟ ΕΡΓΟ ΠΟΥ ΕΚΑΝΕ Ο ΙΗΣΟΥΣ​—ΝΑ ΔΙΔΑΣΚΕΤΕ ΝΤΑ ΣΟΡΑΝ ΑΠΑΝΤΙΝΕΝ ΚΟ ΕΡΩΤΗΣΕΙΣ:

• Παρόλο σο ο πληροφορίες ισί σωστές, σόσκε ισί λάθος ο τρόπος σο σικλιαρέλα;

• Σόσκε να ερεσέλα σάντε τι εξηγίνας ο πληροφορίες;

ΝΤΙΚΧΕΝ Ο ΔΕΥΤΕΡΟΣ ΜΕΡΟΣ ΚΑΤΑ ΒΙΝΤΕΟΣ ΝΤΑ ΣΟΡΑΝ ΑΠΑΝΤΙΝΕΝ ΚΟ ΕΡΩΤΗΣΕΙΣ:

• Σαρ κερντάς ο πφραλ ερωτήσεις σο ανένα λατσσέ αποτελέσματα;

• Σαρ γιαβέρτουλους μπορίνασα τι βοηθίντιβας κατά τρόπος σο σικλιαρέλα;