Prindjreh tu ninna daar pral i lowe oder i budi? Ap koi jek rig hunte budras, te well menge kowa, hoi men hunte wella djipaske. Ap koi wawar rig hunte das ninna i Jehowes kowa, hoi les hunte wella. I bibla penella, har te kras kowa, te well menge kowa gar phares.

1. Hoi penell i bibla pral i budi?

O Dewel kamell, te hi menge mari budi shukar. An i bibla hi tardo, kai hi o mensheske tchi feteder “har te chal lo un pijell lo un well bachtelo pral kowa, hoi lo krell” (Sikepaskro 2:24). O Jehowah budras un budrella bud. Mer te krah les an kowa pal, dikell job latches ap mende, un ninna mer ham bachteles pral kowa.

Ap koi jek rig hunte budras — ap koi wawar rig hunte das mer ninna ap kowa garda, kai hi mari budi menge gar moldeder, har o Jehowah (Johanni 6:27). Job das menge peskro lab: Mer te tchiwah leskri budi an maro djipen glanstunes, dell job men halauter, hoi men an maro djipen djipaske hunte well.

2. Har te dikas ap lowe?

Ninna te penell i bibla, kai hi lowe jaake har i hildepen, penell li ninna, kai o lowe kokres men gar bachteles krella (Sikepaskro 7:12). “Ma nashenn i lowe pala! Kowa, hoi tut hi, kowa muk tut doha te well”, penell i bibla (Dik pal an Hebrearja 13:5). Te hi menge kowa doha, hoi men hi, wah mer gar frustrieremen pral kowa, hoi men gar hi. Jaake krah witar kek lowengri sijaan, hoi gar hunte wella (Gosewe Laba 22:7). Ninna kamah gar pal lowe te khelell, un mer krah witar tchi, hoi har sik lowe win dikella.

3. Har nai krah i lowentsa latcho koowa?

O Jehowah hi gar boklo. Te hi men ninna i baro dji wawarenge, un te dah wawaren, krah mer les pal (1. Timoteo 6:18). Latcho koowa nai krah i lowentsa, te dah i tchorwelenge, glanstunes mare phralenge un phenjenge. Ninna nai dah lowe, te well an i Versammlunga halauter plaissedo. O Jehowah hi bachteles, te hi men i baro dji wawarenge. Job dikell gar ap kowa, har bud mer dah. Mer te ham gar boklo, krell men kowa bachteles (Dik pal an Bitchepangre 20:35).

 RODAS DUREDER

4. Share i Jehowes dran kowa, har tu budreh

 5. Ab bachteles pral kowa, hoi tut hi

Bud kamenn jaake bud lowe te lell, har djala. I bibla penell menge pral kowa tchomone wawar. Dikenn pal an 1. Timoteo 6:6-8, un rakrenn khetne pral:

• Hoi penell i bibla menge, te kras?

6. O Jehowah dell menge, hoi men hunte wella djipaske

 HOI KATE PENLO WAS

Ninna te hi i budi un i lowe menge mishto, hunte das mer garda, te well menge kowa gar moldeder har o Jehowah.

Hoi penals tu?

• Hoi hi menge mishto, te rikras mari balance, te djala pral i budi?

• Hoske hi menge kowa mishto, te ham bachteles pral kowa, hoi men hi?

• Har nai sikreh tu tiro patsepen ap o Jehoweskro lab, kai dell lo men kowa, hoi men hunte well djipaske?