Hum me jaake dur?
Hum me jaake dur, te anap khetne i phralentsa un i phenjentsa an i Versammlunga o latcho lab?
Tu nai weh i gar-taufedo Rakepaskro, te …
kreh tu pale te pale tiro Biblakro Kurso, te mangeh pale te pale ap o Debleste un te djah tu an o Khetnepen.
patseh tu ap kowa, hoi tuke sikedo was, te hi tuke kowa bud moldo un te khameh wawarentsa pral kowa te rakrell.
kameh i Jehowes tiro djiestar, un te rodeh tuke mala, kai les ninna kamenna.
hal tu an kek wawar organisationa buder, hoi dran i politika oder i kangri wella.
djiweh pal i Jehoweskre moraltike standards, un te kameh jek i Jehoweskre Rakepangrendar te well.
Tu te haiweh, kai kameh i prahlentsa un phenjentsa an i Versammlunga o latcho lab te anell, nai penell tiro Biblakro Sikepaskro kowa i Phurenge. An i rakepen lentsa kamenn jon te dikell, hal tu tchatchepah jaake dur, te nai wess i gar-taufedo Rakepaskro.
Hum me jaake dur, te djap an i Panjeskri Ceremonia?
Tu nai mukeh tut te bolell, te …
hal tu i gar-taufedo Rakepaskro.
djah tu pale te pale an i Debleskri Budi, un kameh kowa jaake bud te krell, har djala.
shuneh un te kreh tu kowa, hoi “o latcho budepaskro” penella (Mateo 24:45-47).
dal tu an i mangepen i Jehoweske koi sowel, kai djiweh tu kokres leske un kameh hake tsireske kowa te krell, hoi job kamella.
Tu te haiweh, kai kameh an i Panjeskri Ceremonia te djal, nai penell tiro Biblakro Sikepaskro kowa i Phurenge. An i rakepen lentsa kamenn jon te dikell, hal tu tchatchepah jaake dur, te nai mukess tut te bolell.