“Tu hal o baro rai, kolestar o Dewel penas, te well job. Tu hal o tchawo o djido Dewlestar” (Mateo 16:16)

Ha te djinass, gai hi o Jesus o Messiah?

• Mateo 3:16, 17; Johanni 1:32-34

  O Jehowah tsikeras un penas, gai hi o Jesus leskro tchawo.

• Misha 5:2; Mateo 2:1, 3-9

  I tsele profetike laba, hoi wan pral i Christeste tchindlo, tsikerenn, gai o Jesus o Messiah hi.

“Me wajum gar dran o bollepen, te krap kowa, hoi me khamau. Me wum, te krap, hoi kowa khamella, gai bitcheras man” (Johanni 6:38)

Hoi kras o Jesus an o bollepen?

• Kolossarja 1:15, 16

  O Jesus his o glanstunsto, hoi o Jehowah gerdas. Hallauter, hoi pal i Jeseste was, gerdas o Jehowah dran i Jeseskre wasta. An kola bud milliarde bersha was o Jesus peskro dadestar sikemen.

• Luka 1:30-35

  O Jehowah bitcheras i Jeses ap i phub.

“Mukenn kol tchawen pash mande te well” (Marko 10:14)

Hawi shini i Jesestar djal tuke an o dji?

• Marko 10:13-16

  O Jesus his latcho; hakeno, gai leha rakeras, his bachteles.

• Johanni 4:9, 27

  O Jesus tsikeras djuwen respekt un kras pes gar baro glan lende.

• Johanni 13:2-5, 12-17

  O Jesus dikas ap kekeste tele.

• Mateo 9:35, 36; Marko 1:40-42

  O Jesus his wawarenge koi.

“Me krum hallauter, hoi tu mange penal” (Johanni 17:4)

Hoske hi menge kowa mishto, te dikah ap o Jeseskro djipen?

• Mateo 4:1-11

  Ha o beng khamas, te anell o Jesus doosh ap peste, atchas job loyaltikes.

• Marko 3:21

  O Jesus kras kowa, hoi o Dewel khamas, ninna ha leskri familja pral leste sas.

• 1. Petro 2:21-23

  Ap kolende, gai tchilatcho ap leste hins, atchas o Jesus latches.

• Filiparja 2:8

  Djin te meras lo, atchas o Jesus loyaltikes ap i Dewleskri rig.

• Hebrearja 10:12, 13; 1. Petro 3:18

  O Jehowah djangeras les i muhlendar un das les pale o djipen an o bollepen.