GILI 107
O Dewel tsikerell men, hoi gamlepen hi
-
1. Hoi gamlepen hi, tsikras o Jehowah
men ’lautren, men ’lautren.
Doleske tsikrah mer ha maro Dewel
o latchepen, o gamlepen.
O Dewel bitchras o kutchestar pestar
kai tel ap i phub. Las krik o djiestar
koj doosh, hoi men his. I maal nai wah lestar.
Job men tsikras, gai job men gamas.
-
2. Te djah leskro drom, tsikrah mer men, gai mer
men gamah tchatchepaha.
Mer ham menge koi, i tsele prahlenge
latchepen dah, haknes gamah.
Nai well man i dji, i dji m’o Dewleste,
te hi man kek dji, kek dji m’o prahleste?
Bistrap leskri saan? Ko krau m’o maaleste!
Jaake tsikrah, mer ketne atchah.
-
3. Ap mari phub ham jek bari familja,
pashal ham, bachtles wam.
O tata penell: “Awenn mashkral mende.”
Jaake haiwam: Prahla mer ham.
O biblakro lab krell sorles, krell bachtles,
o gamlepen krell o dji mendar newes.
O Dewel khamell mendar, te haiwah les:
An leskro dji job gamlepen hi.
(Dikh ninna an Remarja 12:10; Efesarja 4:3; 2. Petro 1:7)