GILI 58
Mer rodah kolen, kai tchatchi bacht gamenna
-
1. Maro rai Jesus das i budi men:
O tchatchepen an hako them,
o lab o Deblestar, anenn.
Hoi ninna was: O brishin, tatepen,
o Jesus djas, job rakras dran
peskro gamlepen.
Djah Kheer-pal-Kheer na hako gab,
un mer anah ko latcho lab:
O Dewel lell i tseli duk mendar krik.
(REFRAIN)
Mer, mer rodah
kolen, kai tchatchi bacht gamenna.
Mer, mer rodah
kolen, kai an o dji rowenna.
Hoi ninna hi:
Mer dah gar pre!
-
2. Tsiro nashella, dureder rodah.
Hakneskro djipen moldo hi,
doleske mari Budi krah.
Lentsa rakrah mer dran o gamlepen,
un mer penah ap hakneste:
Sik well bachtlepen.
An mende bacht hi, tchatchepah.
Shunell jek, wah mer bachtleder.
Doleske ap i tseli phub mer rodah.
(REFRAIN)
Mer, mer rodah
kolen, kai tchatchi bacht gamenna.
Mer, mer rodah
kolen, kai an o dji rowenna.
Hoi ninna hi:
Mer dah gar pre!
(Dik ninna an Jesajah 52:7; Mateo 28:19, 20; Luka 8:1; Remarja 10:10)
