Si e pervo data ande historia ke sa le marturia le Jehovaske pe sa e lumia si te dikhen po video o baro chidimos kai si amen ando 2020. Savorhe si te dikhen les andel giesa katar le shona o julio ai o agosto. Te shai dikhiol kako, o video katar o baro chidimos kerdilo ande mai but de 500 shiba. Te shai lasharel iek buki sar kacha, trobulpe iek borsh, vai shai avela mai but. Numa pala o coronavirus sa le phral sas len shtar shon te ambolden ande aver shiba o baro chidimos ando 2020 “¡Alégrense siempre!”.

 O grupo katar le phral kai chinen le dieli kai trobunpe te kerdiol e buki le Devleski ai vi o grupo kai amboldel le vorbi ande aver shib, kerde kacha bari buki chidine. Kakala phral dine po gor ke but andal grupuria kai ambolden le vorbi ande aver shib trobunas len mai dieli, sar lashe mikrofonuria. Pala godo le phral chinde 1000 mikrofonuria ai trade le kai 200 riga kai trobunaspe.

 Te aven mai lesni le mikrofonuria, chinde sa so trobunpe andek data ai trade le kal phral pe sa e lumia. Godo kerdias te mol suako mikrofono 170 dolaria, 20% mai lesni.

 Le phral kai keren kacha buki te chinen le dieli, chinde ai trade le mikrofonuria ando abril ai o mayo katar o 2020 kana sa le prame terdile pala o nasualimos kai areslo ande lumia. Numa mai anglal te getol o mayo, le mikrofonuria sas andel vast katar le phral kai trobunas te keren e buki.

 O Jay Swinney iek phral kai kerel buki le phralentsa kai chinen le dieli, phendias: “Ande kacha vriama le phral ando Betel ai le zhene kai bi chinenas le dieli kerde iek bari buki chidine. Ferdi o dujo le Jehovasko shai kerel te avel len fuga so trobul len ai te avel sa mai lesni”.

 O phral Nicholas Ahladis, kai kerel buki le phralentsa kai ambolden le vorbi ande aver shib, mothol: “Kal phral kai trobunas te beshen pende khere, sas veselime kana areslo lende le prame kai trobunas len. Gadia azhutisarde ande pengi buki makar trobunas te aven dur katar le phral. Ambolde ande aver shib divanuria, videuria ai gilia ande mai but de 500 shiba”.

 Kacha buki si iek andal but bukia kai kerdion te lashavol o baro chidimos katar o 2020 “¡Alégrense siempre!”. Kakala dieli kai chindiam sas pala sa so tumen dine ilesa ando donate.pr418.com ai aver riga.