Le videuria katar suako baro chidimos kai si amen den ande amaro ilo ai azhutin amen te aliaras mai mishto so sikavel amenge e Biblia. Ando baro chidimos katar o 2020 “¡Alégrense siempre!” sas 114 videuria ai 43 anda lende sas kerde pala le phral kai sas alome te ningeren amen ai le phral kai azhutin len. Zhanes sode buki kerde amare phral ai sode love dinepe te kerdion kakala videuria?

 Te kerdion kakala videuria uni 900 phral ai phea pe sa e lumia kerde buki ivia, dine anda pengi vriama ai sa so zhanenas. Kerde buki mai but de 90,000 chasuria, ande dui borsh. Ferdi 70.000 andal chasuria sas te lasharen o video katar o Nehemías kai bushelpe “La Felicidad que viene de Jehova es nuestra fortaleza”. Kako video nai but baro ferdi si 76 minutsi.

 Sar zhanas, nas lesni te las sama katar sa amare phral ai phea kai avile te den anda pengi vriama ai si kuchi te rodas ai te arakhas sa le prame kai trobun len te kerdiol kacha buki.

 O phral Jared Gossman, kai kerel buki ando grupo katar o audio ai o video, phenel: “Le phral kai sas alome te ningeren amen kamenas te dikhiol andel videuria but vitsi ai thema, ke kako azhutil amen te dikhas ke si amen iek bari familia pe sa e lumia. Te kerdiol kako, 24 grupuria ande 11 thema kerde buki kidine ai sas but prame te lasharen te keren iek buki gadia de bari”.

 But anda amare videuria trobul len prame ai uni riga te lasharen so dikhiol ando video. Iek ejemplo si o video katar o Nehemías: “La felicidad que viene de Jehova es nuestra fortaleza” te shai keren les, amare phral ai phea trobunas len but dieli kai kerde ando Mount Ebo, kai si pasha o Patterson, Nueva York, Estados Unidos. Amare phral trobunas te vazden bare ziduria te mian le ziduria katar o Jerusalen. Te usin mishto sa so das amendar te kerdiol e buki, von kerde 6 metri ziduria kashteske ai thode vareso opral te mian ke sas ziduria barhune. So kerdias te avel mai lesni sas ke kakala ziduria shai miskinaspe ai usinpe butivar ando video.Te kerdiol kako pokinde $100.000 dolaria. a

 Sam veselime kana zhanas sa le dieli kai kerdile te avel amen o baro chidimos ande kako borsh. Zhanas chachimasa ke sa so sas kerdo te kerdiol kako baro chidimos si te bariarel o anau le Jehovasko pe sa e lumia. Naisis tumenge pa sa le prame kai den tumendar ando donate.pr418.com te zhal angle kacha buki.