KOTOR 8
Sostar mulo o Jesus?
O Jesus mulo te avel amen o traio kai chi mai si te getol (Iovano 3:16).
Kana mulo o Jesus, thodine les ande iek gropo. Ka le trin giesa gele uni zhuvlia te dikhen les ai vo manas. O Jehova pale dias les o traio.
O Jesus sikadilo ka peske apostluria.
O Jehova zhuvindisardias ka o Jesus ai dias les iek stato desia zuralo ai dujosko, nashtil te merel pale. Leske disipluria dikhle les kana gelotar ando cheri.
O Del zhuvindisardias ka o Jesus ai thodias les sar amperato katar peski Amperetsia (Sicharimos [Apokalipsos] 11:15).
O Jesus dias pesko traio te skepil le manushen anda o bezej ai e martia (Mate 20:28). Pala godia, o Del shai del amen o traio kai chi mai si te getol.
O Jehova thodias ka o Jesus te amperetsil e Phuv anda o cheri. Lesa si te aven 144.000 manush kai pakian o mui le Devlesko ai si te train ando cheri kana zhuvindina. O Jesus ai le 144.000 si e Amperetsia chachi le Devleski (Sicharimos [Apokalipsos] 14:1-3).
E Amperetsia le Devleski si te kerel sa e Phuv iek than desia shukar. Chi mai avela bokh, chorimos ai mundarimos. Si te aven len sa so trobun len. Savorhe si te aven desia veselime (2 Petri 3:13).
Shai avela plachal tu
BARE PRAME KAI SIKAVEL E BIBLIA
Sostar mulo o Jesus?
Ande Biblia e martia le Jesusoski si demas bari. Sostar trobulas te merel?
MARTIA LE JESUSOSKI
O gies kai serelpe e martia le Jesusoski
Akharas tu ilesa te seres amentsa godo baro gies. Si te sichos sar o traio ai e martia le Jesusoski shai zhutil tu.
AVER PUBLIKASIONURIA
Shai zhuvindin le manush kai soven ande martia?
Jasardian varekas kai kamesas desia zurales ande martia? So shinavel e Biblia si te del tu pacha.
