“Sa e Swunto Vorba le Devleski avel katar O Del” (2 Timote 3:16, E Lashi Viasta).

Si te arakhas ande Biblia le bare prame kai pushas amen katar o traio (Proverbios 2:1-5).

Si te ningerel amen chachimasa te trais mishto suako gies (Psalmo 119:105).

Si te azhukeras chachimasa lashe prame mai angle (Romanuria 15:4).

Ei, akana ferdi phenas trin:

• Numa si la iek gindo. Skrivisarde e Vorba le Devleski uni 40 mursh ande 1.600 borsh. But anda lende chi prinzhardepe, numa kana skrivisarde la dine duma sa pa iek divano, gadia kerde te na mothol vareso ande iek rig ai aver ande kolaver rig.

• Manush kai skrivisarde chachimasa. Le manush kai skrivin historia univar garaven kana peren lenge foruria. Numa le manush kai skrivisarde e Biblia chi garade kana von vai lenge thema atsadile (2 Crónicas 36:15, 16; Psalmo 51:1-4).

• Lake profesii kerdion chache. Mai but de 700 borsh mai anglal te avel o Mesias pe Phuv, e Biblia phendias ke sas te arakhadiol ando Belen, iek foro tsinorho katar o Juda (Miqueas 5:2). Godo kerdilo chacho, vo arakhadilo kotse! (Mate 2:1-6).

  But anda le profesii katar e Biblia kerdile chache, de kin e mai tsinorhi prama zhi kai e mai bari. Godo si so azhukeras katar e Vorba le Devleski, nai gadia? (2 Petri 1:21).