Akharde tu ka iek data le marturia le Jehovaske kana chidenpe? Te avela chi gelian, shai aliares ke nai vushoro tuke te keres godo. Shai avela pushes tu: “So keren le Marturia kana chidenpe? Sostar si bari prama lenge? Trobuv te chidau man lentsa?”. Ande kako sikaimos si te sikios ke te chides tu lentsa mai si te pashos ka o Del ai si te azhutil tu ande kiro traio.

1. Savi si e mai bari prama te chidas amen?

Iek manush kai ramosardias e Biblia phendias savi si e mai bari prama te chidas amen: “Kana chidau man le phralentsa luvudiva ka o Jehova” (Salmo 26:12). Vi agies, le marturia le Jehovaske chidenpe ai godo del len bari veselia. Suako kurko pe sa e lumia luvudin le Devles, gilaban ai rhugin savorhe chidine. Ai univar ando borsh chidenpe grupuria mai bare.

2. So si te sikios kana chides tu amentsa?

Suako data kai chidas amen sikavelpe mishto so kamel te mothol e Vorba le Devleski (chito Nehemías 8:8). Ando chidimos, si te sikios mai but pa o Jehova ai le lashe prame kai si ande leste. Kana mai sikiosa sode kamel tu, mai si te alosares te aves lesko amigo. Ai vi si te sikios sar si te azhutil tu o Del te avel tu chachimasa iek traio lasho (Isaías 48:17, 18).

3. So si te sikios katar le manush kai prinzharesa kotse?

O Jehova mangel amendar “te las sama iek avrestar te sikavas kamlimos ai te keras o mishtimos, ai te na mekas te chidas amen” (Hebreos 10:24, 25, NWT). Kotse si te ashunes lashe suaturia anda e Biblia, si te prinzhares manushen kai kamenpe chachimasa, ai kai mai kamen te zhanen pa o Del sar tute (chito Romanos 1:11, 12, NWT). Kana desa duma lentsa si te zhanes so kerde anglal bedi kai sas len. Pala sa kako ai mai but, o Jehova kamel te na mekas te chidas amen.

 TE MAI SIKIOS

4. Kana chidenpe le marturia le Jehovaske

Ando pervo siglo, le kristianuria chidenaspe te luvudin ka o Jehova (Romanuria 16:3-5). Chiton Colosenses 3:16 [NWT] ai den duma pa:

• Sar luvudinas ka o Jehova le pervo kristianuria?

1. Kana chidas amen denpe divanuria ai videuria, vi sikaven amen te ningeras ai te sikavas e Vorba le Devleski. Te astaras ai te getosaras gilabas ai rhugis.

2. Univar pushenpe prame, kotse shai vazdas o vast te das anglal.

3. Savorhe shai aven: mursh ai zhuvlia, phurorhe, terne ai tsinorhe...

4. Si ivia te chidas amen le marturentsa le Jehovaske. Chi mangelpe love.

5. Trobus te thas amendar te chidas amen

• Sostar trobus te avas sikade te chidas amen?

 SO DIKHLIAM

Te zhasa kai chidas amen si te sikios mai pa o Jehova, si te mai pashos leste ai si te luvudis les avre manushentsa.

So sas te mothos?

• Sostar o Jehova akharel amen te chidas amen?

• So si te sikios kana zhasa kai chidenpe le marturia le Jehovaske?

• Sar gindis ke shai azhutil tu suako chidimos?