SIKAIMOS 21
Sar ningerenpe le lashe viesti?
Ande tsirha vriama o Jehova mashkar peski Amperetsia si te ankalavel sa le bedi le manushenge. Ai sar te na phenas le manushenge kacha shukar viasta! O Jesus kamelas ke le manush kai lenpe pala leste te ningeren kacha viasta pe sa e lumia (Mate 28:19, 20). So kerde le marturia le Jehovaske te pakian o mui le Jesusosko?
1. Sar kerdiol agies so mothol Mate 24:14?
O Jesus phendias: “Ai kadia viasta e lashi pai amperetsia avela phendi ande sa e lumia” (Mate 24:14). Kal marturia le Jehovaske plachal amen but te keras kacha bari buki. Ningeras le lashe viesti pe sa e lumia ande mai but de 1.000 shiba. Trobulpe but vriama ai te das but amendar te lasharas ai te keras kacha lashi buki. Te na avilosas pala o Jehova, kako nas te kerdiol.
2. So keras te ningeras le lashe viesti kal manush?
Ningeras le viesti kai avena manush. Ai, sar kerenas le pervo kristianuria, zhas kher kherestar (Le Apostolengo 5:42). Kana keras gadia, si mai vushoro te aresas ka millonuria manush suako borsh. Numa sar butivar le manush nai pende khere, zhas te ningeras le viesti ka but riga kai si manush. Chi mekas te rodas manushen te das duma lentsa pa o Jehova ai pa sa so si te kerel.
3. Kon trobul te ningerel le lashe viesti?
Sa le chache kristianuria trobun te ningeren le lashe viesti. Kacha buki amenge si defial bari. Keras sa so si ande amare vast te ningeras o suato le manushenge ke zhanas ke gadia shai skepilpe suako manush (chito 1 Timoteo 4:16, NWT). Khonik chi pokinel amenge pala kacha buki, ke e Biblia phenel: “Tume lian ivia, ivia den” (Mate 10:7, 8). Ai, makar chi ashunen amen sa le manush, chi mekas te ningeras e viasta ke gadia luvudis ka o Jehova ai veselis lesko ilo.
TE MAI SIKIOS
Aida dikhas sa so keras le marturia le Jehovaske te ningeras le lashe viesti pe sa e lumia ai sar azhutil amen o Jehova.
Ningeras o suato pe sa e lumia: A) Costa Rica; B) Estados Unidos; C) Benín; D) Tailandia; E) Yap (Micronesia); F) Suecia.
4. Thas amendar te aresas ka suako manush
Le marturia le Jehovaske das but amendar te ningeras le lashe viesti le manushenge avena kai avena. Dikhen o VIDEO ai den duma pa:
-
So les sama kana dikhes sar ningeren le lashe viesti le marturia le Jehovaske?
Chiton Mateo 22:39 [NWT] ai Romanos 10:13-15 [NWT], ai den duma pa kako:
-
Kana ningeras le lashe viesti, sar sikavas ke kamas le manushen?
-
Sar dikhel o Jehova godolen kai ningeren le lashe viesti? (Dikhen o verseto 15).
5. Amen keras buki kidine le Devlesa
Butivar dikhiol sar o Jehova kerel te zhal angle e buki kai keras te ningeras le lashe viesti. Aida dikhas so sas ando Nueva Zelanda. Ande iek gies, de diminiatsi, iek zhuvli rhugisaili ka o Del ai akhardias les pa lesko anau, Jehova. Voi manglias lestar te avel varekon te azhutil la te prinzharel les. Godo gies iek Marturo kai bushelpe Paul gelo te ningerel o suato kher kherestar. Vo phenel: “Numa nakhle trin chasuria kai rhugisaili e zhuvli ai me areslem ka lako vudar”.
Chiton 1 Corintios 3:9 [NWT] ai den duma pa:
-
Sar sikaven kakala prame ke o Jehova azhutil te zhal angle kacha buki?
Chiton Hechos 1:8 [NWT] ai den duma pa:
-
Sostar trobul te azhutil amen o Jehova te ningeras le lashe viesti?
Zhanesas kako?
Kana chidas amen ando dopash le kurkesko sikiuas sar shai ningeras le lashe viesti. Te avela ke gelian ka iek data, so gindis pa sar sikaven amen?
6. Kana ningeras le lashe viesti pakias o mui le Devlesko
Le dushmaia katar le pervo kristianuria kerde but prame te na mai ningerenpe le lashe viesti. Godola kristianuria mangle angla le amperetsii te na len lendar e voia kai sas len te ningeren le lashe viesti (Filipenses 1:7, NWT). Agies, le marturia le Jehovaske keras sa iek fialo. a
Chiton Hechos 5:27-42 [NWT] ai den duma pa:
-
Sostar chi si te mekas te ningeras o suato? (Dikhen le verseturia 29, 38 ai 39).
UNI MANUSH PUSHEN: “Sostar le marturia le Jehovaske zhan kher kherestar?”.
-
So sas te phenes?
SO DIKHLIAM
O Jesus tradias ka peske disipuluria te ningeren le lashe viesti sa le manushenge. O Jehova azhutil peske foros te kerel kacha buki.
So sas te mothos?
-
Kon ningeren le lashe viesti pe sa e lumia?
-
Sar sikavel kacha buki kai kamas le manushen?
-
Shai kerel kacha buki te avas veselime, so gindis tu? Sostar?
SHAI DIKHES VARESO MAI
Dikh sar ningeren le lashe viesti le marturia le Jehovaske andel bare foruria.
Ningeras le lashe viesti kai si manush andel bare foruria ando París (5:11)
So kerde le marturia le Jehovaske te aresen kal manush kai mekle pengo them?
Ningeras o suato le manushenge kai mekle pengo them ai trushale le anda o chachimos (5:59)
Ashun ke veselime sas iek phei kai dias but pestar te mai kerel buki le Devleske.
Dikh sar nirisarde angla le krisa amare phral ai sar azhutisardias godo te zhal angle le lashe viesti.
a O Del tradel amen te ningeras le lashe viesti. Pala godia, amen le marturia le Jehovaske nai musai te mangas katar le amperetsii te meken amen te ningeras le lashe viesti.
Shai avela plachal tu
SO SHAI PUSHES TU
Sar sikaven le marturia le Jehovaske pa e Biblia?
Gadia sar sikaven le marturia le Jehovaske, tu shai les e Biblia kai tu kamesa. Ai Shai akhares sa cha familia vai le amiguria kai kamesa.
