SIKAIMOS 36
Trobus te avas manush chache ande suako prama
Savorhe kamen te aven len amiguria kai phenen o chachimos, ai vi o Jehova azhukerel te aven gadia leske amiguria. Numa nai vushoro te avas chache ande iek lumia kai but manush atsaven iek avres. Savo mishtimos las te avas chache ande sa le prame?
1. Pala soste trobus te avas manush kai phenen o chachimos?
Kana sam chache le kolavrentsa, sikavas ke kamas ai respetis ka o Jehova. Trobus te seras ke o Jehova zhanel sa so gindis ai so keras (Zhiduvuria 4:13). Vo del po gor kana alosaras te phenas o chachimos, ai godo leske mol but. Lesko Suato phenel ke “chi kamel kal manush kai gindinpe te keren so si nasul, numa defial pashe lo katar le manush kai si vorta” (Proverbios 3:32).
2. Ande save prame suako gies trobus te avas chache?
O Jehova kamel te phenas o chachimos iek avreske (Efisiana 4:25). So kamel te phenel godo? Ke chi jojavas khanikas, chi ande familia, chi ande buki, chi le phralen ando pakiamos ai chi kal amperetsii. Le manush chache chi choren ai chi atsaven khanikas (chito Proverbios 24:28 ai Efesios 4:28, NWT). Von pokinen so mangel o them (Romanuria 13:5-7). Ande kakala prame ai ande aver, kamas te keras so si vorta (Zhiduvuria 13:18).
3. Sar azhutil amen te phenas o chachimos?
Kana prinzharen amen sar manush chache, le kolaver pakian ande amende. Godo azhutil amen te avas iek familia le phralentsa, ai gadia si te aliaras amen ande pacha ai arakhade. Vi si amen iek gogi vuzhi ai aliaras amen mishto amentsa. Kana phenas o chachimos, keras te dikhiol mai shukar so sikavel amen o Del, ai gadia aver manush shai kamena te luvudin ka o Jehova (Titos 2:10).
TE MAI SIKIOS
Dikhta sar azhutil amen te avas mai pashe katar o Jehova kana sam chache, ai sar shai avas manush kai phenas o chachimos ande suako prama ando traio.
4. Ka o Jehova si drago le manush kai phenen o chachimos
Chiton Salmo 44:21 ai Malaquías 3:16, ai den duma pa:
-
Sostar chi trobus te gindis ke shai garavas vareso katar o Jehova?
-
Ai te phenas o chachimos kana nai vushoro, sar aliarelpe o Jehova?
Kana le shave phenen o chachimos, veselin ka penge dada. Kana amen phenas o chachimos, veselis ka o Jehova.
5. Trobus te avas manush chache suako gies
Makar but manush gindin ke univar nai iek lashi prama te phenas o chachimos, si pala soste te avas chache. Dikhen o VIDEO.
Chiton Hebreos 13:18 [NWT], ai den duma pa sar shai avas chache...
-
... la familiasa.
-
... ande buki vai ande escuela.
-
... ande aver prame.
6. Te avas chache anel amenge mishtimos
Te avas manush chache shai anel amenge uni bedi, numa la vriamasa si te dikhas ke alosardiam mishto. Chiton Salmo 34:12-16 ai den duma pa:
-
Sar shai avel amen iek traio mai lasho kana sam manush chache?
-
Kana o rhom ai e rhomni phenen o chachimos, zuriaren pengi tsera.
-
Kana o manush si chacho ande buki, le kolaver pakian ande leste.
-
Kana o manush si chacho ande suako prama, le kolaver dikhen les mishto.
UNI MANUSH PHENEN: “Iek jojaimos tsinorho chi kerel nasul khanikaske”.
-
Sostar gindis ke o Jehova chi dikhel mishto chi iek jojaimos?
SO DIKHLIAM
O Jehova kamel te aven leske amiguria chache ande suako prama kai phenen ai keren.
So sas te mothos?
-
Ande save prame trobus te avas manush chache?
-
Sostar chi trobus te gindis ke shai garavas o chachimos?
-
Sostar kames te aves chacho ande suako prama?
SHAI DIKHES VARESO MAI
So shai keren le dada te sikaven penge shaven te aven chache?
Savo mishtimos si te len godola kai keren so phenen?
Dikhta te avela ke trobus te pokinas so mangel o them kana chi keren mishto le loventsa.
“Trobus te pokines so mangel o them?” (La Atalaya, 1 anda o septiembre, 2011)
So azhutisardias ka iek manush kai atsavelas te parhudiol ai te avel iek manush chacho?
“Sikilem ke o Jehova lasho lo ai iertil amen” (La Atalaya, 1 anda o mayo, 2015)
Shai avela plachal tu
SO SHAI PUSHES TU
Sar sikaven le marturia le Jehovaske pa e Biblia?
Gadia sar sikaven le marturia le Jehovaske, tu shai les e Biblia kai tu kamesa. Ai Shai akhares sa cha familia vai le amiguria kai kamesa.
