SIKAIMOS 38
Trobus te naisis o traio kai dias amen o Del
Si but prame kai keren amaro traio mai shukar, ai shai avel gadia makar univar si amen bedi. Sar shai sikavas le Devleske ke naisis o traio kai dias amen ai sostar trobus te keras godo?
1. Sostar trobul te mol amenge but o traio?
Trobul te mol amenge but o traio sostar si iek shukar prama kai dias amen amaro Dat, o Jehova. Lestar avel o traio ke vo kerdias suako prama kai trail pe Phuv (Salmo 36:9). “Wo kai del savorhen o traio, ai barval ai vi [le] kolaver dieli” (Le Apostolengo 17:25, 28). Pala godia si o Jehova kon del amen sa so trobul amen te trais ai te avas veselime (chito Hechos 14:17, NWT).
2. Sar sikavas le Devleske ke naisis o traio kai dias amen?
De kana kiri dei ashili phari tutar, o Jehova dikhlias pe tute. Ande Biblia, o David iek servitori le Devlesko phendias ande iek rhugimos ke le iakha le Devleske dikhenas kana kerdiolas ando gi peska dako (Salmo 139:16). Kiro traio mol but le Devleske o Jehova (chito Mateo 10:29-31, NWT). Ka o Jehova dukhal les zurales kana iek manush mundardiol vai mundarel varekas (Éxodo 20:13). a Vi dukhal les kana chi arakhas amaro traio ai chi o traio le kolavrengo. Sikavas ke mol but amenge o traio kana respetis ai arakhas amaro traio ai le kolavrengo.
TE MAI SIKIOS
Dikhta sar te naisis o traio kai dias amen o Del.
3. Trobus te arakhes kiro traio
Le kristianuria shinade le Devleske ke sas te keren leski voia, pala godia train sar vo kamel. Dine ka o Jehova pengo stato sar iek sakrifisio sunto, pala godo trobun te arakhen les. Chiton Romanos 12:1, 2 [NWT] ai den duma pa:
-
Sostar trobus te arakhes kiro traio te aves sasto?
-
Sar shai keres godo?
4. Trobus te arakhes tu tut ai le kolavren
E Biblia phenel amenge ke trobus te arakhas amen katar fersavi diela kai kerel amenge nasul. Dikhen o VIDEO ai le sama so shai keras te arakhas amen.
Chiton Proverbios 22:3 ai den duma pa sar shai keras kako...
-
... amende khere.
-
... ande buki.
-
... kana keras deporte.
-
... kana tradas e matora vai kana ningeren amen.
5. Respetisar o traio la glatako kai sachi arakhadili
O David phendias so aliarel o Jehova pa o traio ai pa sar bariol iek glata ando gi peska dako. Chiton Salmo 139:13-17 ai den duma pa:
-
Pa so gindil o Jehova, kana astarel o traio iekhe manushesko: kana arakhadiol vai kana leski dei ashel phari lestar?
O zakono kai o Jehova dias ka o Israel arakhelas la da ai la glata kai sachi arakhadili. Chiton Éxodo 21:22, 23 ai den duma pa:
-
Te avela ke varekon mundarelas iekha glata kai sachi arakhadili ai chi kamelas te kerel godo, so gindilas o Jehova?
-
Atunchi sar sas te aliarelpe o Jehova te avela varekon kerel les de anume? b
-
Ai tu, so pakias pa so gindil o Del?
Iek zhuvli kai respetil o traio shai avela gindil ke trobul te terdiarel o traio peska glatako sostar nai la so te kerel. Chiton Isaías 41:10 ai den duma pa:
-
Te avela ke thon zor pe iek zhuvli te terdiarel o traio peska glatako, kastar shai mangel te azhutil la? Sostar?
UNI MANUSH PHENEN: “Univar musai la zhuvliake te terdiarel o traio peska glatako sostar nai la aver prama so te kerel”.
-
Sar zhanes ke le Devleske mol but o traio la zhuvliako ai la glatako kai sachi arakhadili?
SO DIKHLIAM
O traio si iek shukar prama kai dias amen o Jehova. E Biblia sikavel amen ke trobus te respetis, te arakhas ai te mol but amenge amaro traio ai o traio le kolavrengo.
So sas te mothos?
-
Sar zhanas ke ka o Jehova mol but o traio le manushengo?
-
Sar aliarelpe o Jehova kana varekon mundardiol vai mundarel avres?
-
So plachal tu mai katar o traio?
SHAI DIKHES VARESO MAI
Sar shai naisis ka o Jehova o traio kai dias amen?
Shai iertil o Del iekha zhuvlia kai terdiardias o traio peska glatako de dumut?
Dikhta so gindil o Del pa o traio ai pal prame kai keras.
“Trobus te keras iek deporte kai shai kerel amenge nasul?” (¡Despertad!, 8 anda o octubre, 2000)
Ai te avela varekon gindisailo te mundardiol? Dikhta le lashe suaturia kai del e Biblia.
“Shai azhutil man e Biblia te kamava te mundardiuvau?” (Artikulo anda jw.org)
a O Jehova lel sama katar godola kai si len o ilo dukhado (Salmo 34:18). Kana varekon si les o gindo te mundardiol o Jehova zhanel o pharimos kai si les ando ilo ai kamel te azhutil les. Dikhta le lashe suaturia katar o artikulo “Shai azhutil man e Biblia te kamava te mundardiuvau?”, shai arakhes les kai mothol “Shai dikhes vareso mai”.
b Kon alosardias te terdiarel o traio peska glatako ai keime lo chi trobul te aliarelpe doshalo pala so kerdias, o Jehova kamel te iertil les. Shai chitos mai pa kako ando artikulo “So phenel e Biblia pa kana terdiarelpe o traio iekha glatako?”. Shai arakhes les kai mothol “Shai dikhes vareso mai”.