Le lashe amiguria keren te avel amari veselia mai bari, ai amare dukha mai tsinorhe. Numa e Biblia phenel ke trobus te las sama, sostar sa le manush nai lashe amiguria. Atunchi, sar shai alosares mishto ka kire amiguria? Aida dikhas so mothol kako sikaimos.

1. Shai avas sar kasa phiras?

Te avela ke kidas amen amare amigonentsa vai andel redes sociales, la vriamasa shai avas sar lende. Sar phenel e Biblia: “Kon phirel le jarane manushentsa kerdiola jarano, kon phirel godolentsa kai chi gindin so keren [godola kai chi kamen ka o Jehova] si te zhal leske nasul” (Proverbios 13:20). Le amiguria kai kamen ka o Jehova shai azhutin tu te mai pashos leste ai te alosares mishto. Numa te avesa but vriama le manushentsa kai chi luvudin ka o Jehova, shai durios lestar. Pala godia e Biblia phenel ke trobus te las sama kana alosaras amare amiguria. Kana amare amiguria kamen le Devles si mai mishto savorhenge te shai keras kako: “den tumen zor, ai azhutin iek avres sar vunzhe [gata] keren” (1 Thesaloniana 5:11).

2. Lel sama o Jehova le amiguria kai alosares?

O Jehova alosarel mishto ka peske amiguria ai “defial pashe lo katar le manush kai si vorta” (Proverbios 3:32). Sar sas te aliarelpe o Jehova te phirasa godolentsa kai chi kamen les? Sas te aliarelpe defial dukhado! (Chito Santiago 4:4, NWT). Pala godia te duriuvasa katar le manush kai nai lashe ai te pashuvasa ka o Jehova ai ka godola kai kamen les, vo si te veselilpe ai si te avel amaro amigo (Salmo 15:1-4).

 TE MAI SIKIOS

4. Shai avel amen amiguria kai nai sar amende

Ande Biblia delpe duma pa dui mursh kai beshenas ando Israel, von sas o Jonatan ai o David. O Jonatan sas o shau katar iek amperato ai sas mai baro katar o David. Makar lengo traio nas iek fialo, von sas lashe amiguria. Chiton 1 Samuel 18:1 ai den duma pa:

• Sostar nai musai te alosaras amiguria kai si ande amare borsh vai te avel len iek traio sar amaro?

Chiton Romanos 1:11, 12 [NWT] ai den duma pa:

• Sar le amiguria kai kamen ka o Jehova shai denpe zor iek avres?

Kai arakhlias amiguria iek terno? Dikhen o VIDEO ai den duma pa:

• Sostar le dada katar o Akil dine duma lesa pa le amiguria kai sas les ande escuela?

• Sostar ka o Akil plachalas les godola amiguria?

• So kerdias te na mai aliarelpe korkorho?

 5. Sar te avel tu lashe amiguria

 SO DIKHLIAM

Kana alosaras lashe amiguria godo kerel amenge mishto ai veselis ka o Jehova.

So sas te mothos?

• Sostar lel sama o Jehova save amiguria alosaras?

• Katar save amiguria trobus te duriuvas?

• So trobus te keres te avel tu chache amiguria?