Kana dui manush ansurinpe, azhukeren te aven veselime sa pengo traio. Ai si gadia kana thon ande pengo traio le lashe suaturia kai si ande Biblia sar kerde le kristianuria kai ansurime le de but borsh.

1. Save suaturia lashe del e Biblia ka le rhom?

O Jehova thodias le rhomes sar o shero la familiako (chito Efesios 5:23, NWT). Ai azhukerel lestar te alosarel prame kai keren mishto la familiake. E Biblia phenel le rhomeske te mai kamel peska rhomnia (Efisiana 5:25). So kamel te mothol kako? Ke o rhom kai kamel peska rhomnia si lasho lasa angla le manush ai kana si korkorho. Arakhel la, lel sama sar aliarelpe ai del la so trobul la (1 Timote 5:8). Ai iek bari prama kai kerel si, te azhutil la te avel zurali ando pakiamos (Mate 4:4). Shai rhugil ai te chitol e Biblia lasa. O rhom kai arakhel peska rhomnia kamlimasa mai pashol ka o Jehova (chiton 1 Pedro 3:7, NWT).

2. Save suaturia lashe del e Biblia ka e rhomni?

O Suato le Devlesko phenel le rhomniange ke trobun te respetin peske rhomes (Efisiana 5:33). Sar shai kerel kako? Shai delpe gogi andel lashe prame kai si ka pesko rhom ai sar lel sama latar ai katar peske shave. Vi sikavel ke respetil les kana si pasha leste andel prame kai alosarel, kana del duma lesa lashimasa ai kana chi del duma nasul pa leste makar avela les aver pakiamos.

3. Sar shai zuriaren pengi tsera le ansurime?

E Biblia mothol kal ansurime: “Le dui avena iek stato” (Mate 19:5). Kako kamel te mothol ke chi trobun te meken te duriaren len khanchi. Pala godo roden vriama te aven kidine te den duma ilesa ai te na garaven khanchi iek avrestar. Khonik ai khanchi chi trobul te avel mai baro le rhomeske de sar peski rhomni ai sa iek fialo la rhomniasa. E prama mai bari le duienge trobul te avel o Jehova. Ai trobun te arakhenpe te na aven len ginduria karing aver manush.

 TE MAI SIKIOS

4. O rhom trobul te kamel ai te lel sama katar peski rhomni

5. E rhomni trobul te kamel ai te respetil peske rhomes

E Biblia phenel la rhomniake ke trobul te respetil ka pesko rhom te avela vo luvudil ka o Jehova vai nichi. Chiton 1 Pedro 3:1, 2 [NWT] ai den duma pa:

• Te avela ke kiro rhom chi luvudil ka o Jehova, so gindis ke shai azhutil te luvudil les, te des duma lesa sorho gies pa e Biblia vai te sikaves leske lashimos ai respeto? Sostar gindis gadia?

O rhom ai e rhomni shai thonpe po divano te alosaren mishto. Makar univar voi chi gindila sar leste, shai sikavel respeto ai shai del duma lesa lashimasa te phenel so gindil. Numa trobul te serel ke o Jehova dias ka o rhom e voia te alosarel so si mishto la familiake ai voi trobul te respetil so vo alosardias. Gadia voi si te azhutil te avel veselime lengi tsera. Chiton 1 Pedro 3:3-5 [NWT] ai den duma pa:

• Sar aliarelpe o Jehova kana dikhel ke e rhomni respetil peske rhomes?

 6. Le ansurime shai nakhen pal bedi te avena kidine

 SO DIKHLIAM

O rhom ai e rhomni shai aven veselime te kamenape, te respetinape ai te thona ande pengo traio le suaturia la Bibliake.

So sas te mothos?

• So shai kerel o rhom te avel e tsera mai veselime?

• So shai kerel e rhomni te avel e tsera mai veselime?

• Te avela san ansurime, savo chachimos la Bibliako shai azhutil tu te zuriares kiri tsera?