SIKAIMOS 50
Sar te avel tu iek familia veselime (kotor 2)
Le shave si iek suntsimos kai avel katar o Jehova ai vo azhukerel katar le dada te arakhen len mishto. Pala godo del len lashe suaturia te len sama lendar. Ai vi azhutin le shaven te keren le prame mishto te avel e familia veselime.
1. Save suaturia phenel o Jehova le dadenge?
O Jehova azhukerel katar o dat ai katar e dei te kamen penge shaven ai te den len anda pengi vriama. Vi kamel te len sama katar fersavi prama kai shai kerel lenge nasul, ai te bariaren len ando chachimos la Bibliako (Proverbios 1:8). O Del phenel ka o rhom, ke si o shero la familiako: “Mai bariaren len […] andel ginduria katar o Jehova” (chito Efesios 6:4, NWT). Ka o Jehova plachal les te dikhel sar le dada lenpe pala leske suaturia kana bariaren penge shaven ai te na meken kacha buki khanikaske.
2. Save suaturia del o Jehova le shavenge?
O Jehova phenel le shavenge: “Pakian o mui tumare dadengo” (chito Colosenses 3:20, NWT). Kana le shave respetin ai pakian o mui penge dadengo veselin lengo ilo ai vi katar o Jehova (Proverbios 23:22-25). Kana o Jesus sas tsinorho sas iek lasho shau; pakialas o mui peske dadengo, makar von atsadionas ai sas bezejale (Luk 2:51, 52).
3. So shai kerel e familia te aliarelpe pasha o Jehova?
Te avena tu shave, azhukeres ilesa te kamen ka o Jehova gadia sar kames les tu. Sar shai keres gado? “Trobus te sikaves butivar kakala suaturia [katar o Jehova] kire shavenge ai te des duma pa lende kana beshesa tute khere, kana avesa po drom” (Deuteronomio 6:7). Le dada zhanen ke trobun te sikaven butivar le shavenge iek prama kaste ashel ande lengi gogi. Pala godia, kako verseto kamel te mothol ke trobus te rodes kana shai des duma pa o Jehova kire shaventsa ando gies. Ai anel mishtimos la familiake kana len vriama te chiton e Biblia te luvudin ka o Jehova kidine. Te na avena tu shave, sa gadia te chitos o Suato le Devlesko suako kurko si te azhutil tu but.
TE MAI SIKIOS
Aida dikhas uni suaturia la Bibliake kai azhutin la familia te aliarelpe mishto ai veselime.
4. Sikau kire shaven kamlimasa
Univar shai avel pharo te sikaves kire shaves. Sar shai azhutil tu e Biblia? Chiton Santiago 1:19, 20 [NWT] ai den duma pa:
-
Sar le dada shai sikaven kamlimos penge shavenge kana den duma lentsa?
-
Sostar iek dat nashtil te vortol penge shaven kana si joliariko? a
5. Arakh kire shaven
Makar avela lenge lazhau, le dada te arakhen penge shaven trobun te den duma lentsa pa uni dieli pa o sexo. Dikhen o VIDEO ai den duma pa:
-
Sostar le dadenge nai vushoro te den duma pa kako penge shaventsa?
-
So azhutisardias ka uni dada te den duma pa o sexo penge shaventsa?
Gadia sar sas phendo, e lumia kai si tela o vast le Bengesko kerdili mai chorhi. Chiton 2 Timoteo 3:1, 13 [NWT] ai den duma pa:
-
Ando verseto 13 delpe duma pal manush le nasul, uni anda kakala manush aminpe kal tsinorhe. Atunchi, sostar si bari prama le dada te sikaven penge shaven uni prame pa o sexo? Ai so shai keren te arakhen len te na amilpe khonik lende?
Zhanesas kako?
Le marturia le Jehovaske si len but publikasionuria te azhutin le daden te sikaven penge shaven pa o sexo ai te arakhen len te na amilpe khonik lende. Uni publikasionuria si:
-
Arakhen tumare shaven (video)
-
“Sar te des duma pa o sexo kire shaventsa” (¡Despertad!, num. 5 2016)
6. Respetisar kire daden
Sar den duma le tsinorhe ai le terne sikavel ke respetin penge daden. Dikhen o VIDEO ai den duma pa:
-
Sostar si bari prama te sikaven respeto le shave kana den duma penge dadentsa?
-
Sar sikaven respeto le shave penge dadenge?
Chiton Proverbios 1:8 ai den duma pa:
-
So trobun te keren le shave kana le dada phenen lenge so te keren?
7. Luvudin ka o Jehova la familiasa
Suako kurko le famili kai si marturia le Jehovaske len vriama te luvudin le Devles kidine. Ai sar keren kako? Dikhen o VIDEO ai den duma pa:
-
So shai azhutil la familia te luvudin le Devles suako kurko?
-
Te azhutil o luvudimos la familia ai te avel lenge drago, so shai keren le dada? (Dikh o pervo patreto).
-
Savi prama shai avela chi mekel tumen te kidelpe e familia?
O Jehova azhukerelas katar suako familia anda o Israel te aven sikade te den duma pa lesko Suato. Chiton Deuteronomio 6:6, 7 ai den duma pa:
-
Sar shai thos kakala suaturia ande kiro traio?
So shai keren kana luvudin le Devles la familiasa:
-
Shai estudin pa soste si te delpe duma kana chidas amen le phralentsa.
-
Shai chiton ai den duma pa iek historia la Bibliaki kai plachal savorhen.
-
Te avena tu shave tsinorhe, shai fuliares prame anda jw.org te keren le tsinorhe.
-
Te avena tu shave terne shai dikhen iek artikulo le ternenge anda jw.org.
-
Kana chitona iek historia la Bibliaki shai gindin ke tumen san godola manush ai te thon tumen ande lengo than.
-
Dikhen iek video anda jw.org ai den duma pa godo.
UNI MANUSH PHENEN: “Nai vushoro te aliaren le tsinorhe e Biblia”.
-
So gindis tu?
SO DIKHLIAM
O Jehova azhukerel katar le dada te kamen penge shaven, te sikaven len ai te arakhen len. Ai katar le shave azhukerel te respetin ai te pakian o mui penge dadengo, ai gadia te shai luvudin les savorhe kidine.
So sas te mothos?
-
Sar le dada shai sikaven ai te arakhen penge shaven?
-
Sar le shave sikaven ke respetin penge daden?
-
Savo mishtimos anel la familia te lel vriama suako kurko te luvudil le Devles?
SHAI DIKHES VARESO MAI
So shai azhutil kire shaves kana avela baro?
“6 dieli kai trobun te sikion kire shave” (¡Despertad!, num. 2 2019)
Chito so shai azhutil tu te arakhes ka iek manush phuro.
“Azhukerel o Del te arakhas amare daden kana kerdion phure?” (Artikulo anda jw.org)
Dikhta sar iek manush kai chi zhanelas sar te bariarel penge shaven kerdilo iek lasho dat.
Dikhta sar iek dat shai ningerelpe mishto penge shaventsa.
“So shai kerel iek dat te na duriol katar pesko shau?” (La Atalaya, 1 anda o noviembre, 2011)
a Kana e Biblia phenel ke le dada trobun te vorton penge shaven, kamel te phenel ke trobun te sikaven sar te train mishto. Chi trobun te keren kako ande joli ai chi te rhutuin len (Proverbios 4:1).
Shai avela plachal tu
SO SHAI PUSHES TU
Sar sikaven le marturia le Jehovaske pa e Biblia?
Gadia sar sikaven le marturia le Jehovaske, tu shai les e Biblia kai tu kamesa. Ai Shai akhares sa cha familia vai le amiguria kai kamesa.
