Kana o Jehova kerdias amen, dias amen iek shukar prama: te das duma. Pala godia, vo lel sama sar das duma (chito Santiago 1:26, NWT). Sar te veselis o ilo katar o Jehova amare suatontsa?

1. Sar trobus te das duma avrentsa?

E Biblia phenel: “Den tume zor, ai zhutin iek kavres” (1 Thesaloniana 5:11). Prinzhares varekas kai trobul les zor? Shai keres vareso te des les zor? Ei, shai phenes godole manusheske sode kames les ai le lashe prame kai dikhes ande leste. Prinzhares ka iek verseto la Bibliako kai shai azhutil varekas? Si but kai shai alosares. Ai na bister ke le suaturia kai phenes shai vazden vai peraven varekas. Pala godia trobus te des duma pachasa ai kamlimasa (Proverbios 15:1).

2. Save prame nashtis te phenas?

E Biblia phenel: “Te na anklel anda tumaro mui suaturia chorhe” (chito Efesios 4:29, NWT). Kako kamel te phenel ke chi trobus te phenas lazhave, chi trobus te peravas vai te dukhavas khanikas amare suatontsa. Ai chi trobus te das duma nasul pa varekaste ai chi te pupuis amen (chito Proverbios 16:28).

3. So si te azhutil amen te das duma mishto?

Butivar, le suaturia kai phenas sikaven so gindis amen ai so si amen ande amaro ilo (Luk 6:45). Pala godia trobus te avas sikade te avel amen lashe ginduria. Te gindis ande sa so si vorta, sa so si vuzho, mishto, ai sa so sikavel kamlimos (Filipiana 4:8). Te avel amen godola ginduria, trobus te alosaras mishto so dikhas, so ashunas, ai le amiguria kai si amen (Proverbios 13:20). Pala godia, mai anglal te des duma trobus te gindis tu ai te des tu gogi sar si te aliarelpe o manush pala le suaturia kai si te phenes leske. E Biblia phenel ke kana o manush chi gindil so del duma, si sar iek sabia kai shinel ai anel dukh, numa kon gindil so phenel sastiarel (Proverbios 12:18).

 TE MAI SIKIOS

4. Trobus te les sama so phenes

Univar phenas suaturia kai polme das po gor ke nai mishto ai keis amen (Iakov 3:2). Chiton Gálatas 5:22, 23 [NWT] ai den duma pa:

• Save prame kai si ando texto shai manges katar o Jehova te les sama so phenes ai des duma? Sar shai azhutin tu kakala prame?

Chiton 1 Corintios 15:33 [NWT] ai den duma pa:

• So dikhes, so ashunes ai kire amiguria, azhutin tu te des duma mishto vai nichi?

Chiton Eclesiastés 3:1, 7 ai den duma pa:

• Kana si te avel mishto te na phenas khanchi vai te azhukeras tsirha te das duma?

 5. De duma mishto pal kolaver

6. Sikau lashimos kana des duma la familiasa

 SO DIKHLIAM

So phenas shai azhutil vai shai dukhavel varekas. Trobus te las sama so te phenas, kana si te phenas vareso ai sar si te phenas les.

So sas te mothos?

• Sar shai azhutis avren kana des duma?

• Save prame nashtis te phenas?

• So si te azhutil amen te sikavas kamlimos ai lashimos kana das duma?