O Kristo si o shero katar e congregacion (Efisiana 5:23). Agies thol ka “o sluga chacho ai kai dikhel mai inkial” te ningerel ka leske servitori kai si katse pe Phuv (chito Mateo 24:45, NWT). Kako “sluga” thodias les o Jesus ai dias les e voia te alosarel ai te kerel uni prame. Makar shai kerel kako, trobul te avel tela o vast le Kristosko ai kerel buki leske phralenge. Kon si kako sluga ai sar arakhel amen?

1. Kon si “o sluga chacho ai kai dikhel mai inkial”?

Butivar o Jehova thodias iekhe manushes vai uni manushen te ningeren peske foros (Malaquías 2:7; Zhiduvuria 1:1). Polme te merel o Jesus, kon ningerenas e congregacion sas le apostoluria ai le phure katar e Jerusalen (Le Apostolengo 15:2). Vi agies si iek grupo, le Phral kai Ningeren kale marturia le Jehovaske. Von si manush phure ando chachimos kai den amen jabe dujosko ai keren te zhal angle e predikasion pe sa e lumia. Kako grupo si “o sluga chacho ai kai dikhel mai inkial, kas o gazda [o Jesus] thodias les opral” pe kakala bukia (Mateo 24:45a, NWT). Le Phral kai Ningeren amen si kristianuria alome pala o sunto dujo ai azhukeren e vriama te aven le Kristosa ande leski Amperetsia kana lengo traio katse pe Phuv getola.

2. Savo si o jabe kai del amen o sluga chacho?

O Jesus phendias ke kako sluga chacho trobulas “te pravarel len [kal kristianuria] pe vriama kai trobulpe” (Mate 24:45b). Gadia sar o jabe ninkerel amaro stato sasto ai zuralo, o jabe dujosko azhutil amen te avas chache le Devlesa, o Jehova, ai te keras e buki kai tradias o Jesus (1 Timote 4:6). Pravaras amen anda gado jabe dujosko kana chidas amen suako kurko, kana zhas ka iek baro chidimos ai kana chitos ai dikhas publikasionuria ai videuria la Bibliake. Sa kako azhutil amen te aliaras so kamel o Jehova ai te pashuvas leste.

 TE MAI SIKIOS

3. O foro katar o Jehova trobul te avel organizado

Tela o vast le Jesusosko, le Phral kai Ningeren amen azhutin kal marturia le Jehovaske te keren mishto pengi buki. Sa iek fialo sas kana o Jesus azhutilas kal pervo kristianuria. Dikhen o VIDEO.

Chiton 1 Corintios 14:33, 40 [NWT] ai den duma pa:

• Pa so mothon kakala verseturia, kamel o Jehova te aven leske Marturia organizaduria? Sostar gindis gadia?

4. O sluga chacho azhutil te zhan angle le lashe viesti

Le pervo kristianuria aliarenas ke e prama mai bari sas, te ningeren o Suato le Devlesko. Chiton Hechos 8:14, 25 [NWT] ai den duma pa:

• Ande vriama katar le pervo kristianuria, kon azhutilas te zhan angle le lashe viesti?

• So kerde o Pedro ai o Juan kana le kolaver apostoluria phende lenge so te keren?

E buki mai bari katar le Phral kai Ningeren amen si, te zhan angle le lashe viesti. Dikhen o VIDEO.

 O Jesus phendias sode de baro si, te ningeras o Suato. Chiton Marcos 13:10 [NWT] ai den duma pa:

• Sostar le Phral kai Ningeren amen zhanen ke si bari prama te zhan angle le lashe viesti?

• Sostar trobul amen ka “o sluga chacho ai kai dikhel mai inkial” te lasharel le prame te zhan angle le lashe viesti?

5. O sluga chacho ningerel amen

O sluga chacho si le Phral kai Ningeren ai sikaven kal kristianuria pe sa e lumia. Sar zhanen so trobun te keren? Aida dikhas so kerenas de dumut. Chiton Hechos 15:1, 2 [NWT] ai den duma pa:

• Savi beda sas len kal pervo kristianuria?

• Kaste gele o Pablo, o Bernabe ai le kolaver kristianuria te lasharen kacha beda?

Chiton Hechos 15:12-18 ai 23-29 [NWT], ai den duma pa:

• Te azhutil len o Del, so kerde le phral kai ningerenas kal pervo kristianuria? (Dikhen le verseturia 12, 15 ai 28).

Chiton Hechos 15:30, 31 ai 16:4, 5 [NWT], ai den duma pa:

• So kerde le pervo kristianuria kana areslo lenge o lil katar le phral kai ningerenas len?

• Sar zhanas ke o Jehova suntsosardias len kana pakiaie lesko mui?

Chiton 2 Timoteo 3:16 [NWT] ai Santiago 1:5 [NWT], ai den duma pa:

• Kana le Phral kai Ningeren amen agies trobun te alosaren vareso, so keren te azhutil len o Del?

 SO DIKHLIAM

Le Phral kai Ningeren amen si “o sluga chacho ai kai dikhel mai inkial” kai o Kristo alosardias. Kako sluga ningerel ai del jabe dujosko ka sa le kristianuria pe sa e lumia.

So sas te mothos?

• Kon thodias ka “o sluga chacho ai kai dikhel mai inkial”?

• Sar len sama amendar le Phral kai Ningeren amen?

• Pakias tu ke le Phral kai Ningeren amen si “o sluga chacho ai kai dikhel mai inkial”?