Kana sam amare phralentsa aliaras amen sar o amperato David kai gindilas ke sas lasho ai shukar te avel le phralentsa kidine ande iek than (Salmo 133:1). Sam kidine pala sa le prame lashe kai keras. Suako anda amende thas amendar te avas ande pacha ai te na jasaras godo.

1. Save prame si mai shukar ando foro le Devlesko?

Te avela san ande aver them ai zhas kai chidenpe le marturia le Jehovaske, si te aliares tu khere makar chi aliaresa lengi shib. Sostar? Ke beshasa kai beshasa si te dikhes ke le marturia le Jehovaske sikion pa e Biblia sa iek fialo ai sikaven kamlimos iek avreske. Pe sa e lumia, savorhe kamas te akharas o anau katar o Jehova ai te luvudis les kidine (Sofonías 3:9; nota).

2. Sar shai azhutis te avel kidini e congregacion?

E Biblia sikavel amen ke trobus te kamas amen iek avres sa amare ilesa (1 Petri 1:22). Sar shai les opre kako suato? Le sama le prame lashe kai si kal manush ai na so chi plachal tu. Na numa trobus te aves manushentsa kai si sar tute, vi trobus te prinzhares manushen kai aven anda aver them ai anda aver vitsa. Ai vi trobus te ankalavas amendar fersavi prama chorhi kai shai gindis pa varekaste (chito 1 Pedro 2:17, NWT). a

3. So shai keres te na avel tu chi iek joli iekhe phralesa?

Sa le phral sam kidine, numa univar atsadiuas ai dukhavas iek avres. Pala godia o Suato le Devlesko phenel amenge: “Iertin tumen”. Ai mai phenel: “O Jehova iertisardias tumen ilesa, vi tumen keren iek fialo” (chito Colosenses 3:13, NWT). Ai si gadia sostar amen dukhavas butivar ka o Jehova, numa vo iertil amen. Pala kako, vo azhukerel te iertis amare phralen. Te avela dukhadian varekas, si mishto te zhas ande fuga ai te lashares le prame (chito Mateo 5:23, 24, NWT). b

 TE MAI SIKIOS

4. Na gindisavo nasul pal manush

Kamas te sikavas kamlimos sa le phralenge. Shai avela nai vushoro te keras kako kana le kolaver nai sar amende. So shai azhutil amen? Chiton Hechos 10:34, 35 [NWT] ai den duma pa:

• O Jehova kamel te aven leske Marturia sa le manush. Pala godo, sar trobus te dikhes kal manush kai nai sar tute?

• Kai tu beshes so gindin le manush pa aver zhene? Sostar chi kames te gindis sar lende?

Chiton 2 Corintios 6:11-13 [NWT] ai den duma pa:

• So shai keres te kames mai kal phral ai phean?

5. Trobus te iertis ilesa ai te anes e pacha pale

O Jehova iertil amen ilesa makar amen chi trobus te iertis les chi iek data. Chiton Salmo 86:5 ai den duma pa:

• Pa so sikavel kako verseto, sar iertil o Jehova?

• Sostar naisis o iertimos le Devlesko?

• Kana shai avel pharo te avas mishto le kolavrentsa?

So trobus te keras te avas sar o Jehova ai te avas kidine amare phralentsa? Chiton Proverbios 19:11 ai den duma pa:

• Kana iek manush kerel vareso kai joliarel tu vai dukhavel tu, so shai keres te lashares le prame?

Univar sam amen kai dukhavas avren. Kana si gadia, so trobus te keras? Dikhen o VIDEO, ai den duma pa:

• Sar kerdias e phei katar o video te lasharel le prame ai te anel e pacha pale?

 SO DIKHLIAM

Te avela tu iertis kire phralen ai sikaves kamlimos savorhenge, si te azhutis te aven savorhe kidine ai ande pacha ande congregacion.

So sas te mothos?

• So shai keres te avela chi gindis mishto pa avreste?

• So shai keres te na avel tu chi iek joli iekhe phralesa?

• Kames te iertis ilesa sar kerel o Jehova? Sostar?