Makar kamesa zurales ka o Jehova ai chi kames te dukhaves les, univar shai atsadios. Numa si bezeja kai si mai bare de sar aver (1 Korintiana 6:9, 10). Te avela ke peres ande iek baro bezej, trobus te seres ke o Jehova chi mekel te kamel tu pala so kerdian; vo kamel te iertil tu ai te azhutil tu.

1. So trobus te keras te iertil amen o Jehova?

Kana varekon kai kamel ka o Jehova del po gor ke pelias ande iek baro bezej, aliarelpe dukhado. Numa o Jehova del les pacha mashkar le suaturia kai shinadias peske foroske: “Makar tumare bezeja avena lole escarlata, si te kerdion parne sar o iv” (Isaías 1:18). Te keis amen ilesa, o Jehova iertil amen chachimasa. Sar sikavel iek manush ke keilpe chachimasa? Ka o manush dukhal les o ilo pala so kerdias, pala godia arakhelpe te na perel pale ande godo bezej ai mangel katar o Jehova te iertil les. Atunchi parhuvel pesko gindo ai mekel le prame kai ningerde les ka o bezej ai lelpe pala le zakonuria vuzhe katar o Jehova (chito Isaías 55:6, 7).

2. Te avela peras ando bezej, sar azhutil amen o Jehova mashkar le phure?

Ka godo kai perel ande iek baro bezej, o Jehova phenel leske: “Te akharel kal phure anda e congregacion” (chito Santiago 5:14, 15, NWT). Godola phure anda e congregacion alome le pala o sunto dujo, von kamen ka o Jehova ai le phralen, zhanen sar te azhutin amen te avas pale amiguria katar o Jehova (Galatiana 6:1).

Sar azhutin amen le phure te avela peliam ande iek baro bezej? Dui vai trin anda lende si te azhutin amen la Bibliasa te aliaras sostar nai vorta so kerdiam. Ai vi si te den amen lashe suaturia ai e zor kai trobul amen te na peras pale. Te avela ke iek manush perel ando bezej ai chi keilpe, le phure si te ankalaven les anda e congregacion. Gadia von shai len sama ka e congregacion.

 TE MAI SIKIOS

3. Te mothasa so kerdiam azhutil amen te sastiuvas

Kana peras ande iek bezej, dukhavas ka o Jehova. Pala godia trobus te phenas leske so kerdiam. Chiton Salmo 32:1-5 ai den duma pa:

• Sostar si vorta te mothas ka o Jehova so kerdiam ai te na garavas khanchi?

 4. O Jehova sikavel mila godolen kai peren ando bezej

Kana iek manush perel ande iek baro bezej ai chi kamel te pakial o mui katar o Jehova, ankalaven les anda e congregacion. Atunchi chi mai kidas amen lesa ai chi mai das duma lesa. Chiton 1 Corintios 5:6, 11 [NWT] ai polme den duma pa:

• Gadia sar o fermento vazdel sa o manrho, gindis ke iek manush kai chi keilpe anda pesko bezej shai rimol le phralen? Sostar?

• Sar sikavel o Jehova mila, kamlimos ai ke kerel so si mishto kana varekon perel ando bezej?

 SO DIKHLIAM

Te perasa ande iek baro bezej, o Jehova shai iertil amen. Numa trobus te keis amen chachimasa ai te arakhas amen te na mai peras pale ande godo.

So sas te mothos?

• Te avela peliam ande iek baro bezej, sostar si vorta te phenas ka o Jehova?

• So trobus te keras te iertil amen o Jehova?

• Te avela peliam ande iek baro bezej, sostar trobus te mangas katar le phure te azhutin amen?