Si vushoro sar le marturia le Jehovaske azhutin kal manush te sikion pa e Biblia. Sar sikavas pa e Biblia shai azhutil tu ande kakala prame:

•   Te avel tu iek traio veselime.

•   Te aves amigo le Devlesko.

•   Te sikios so shinavel e Biblia pe mai angle.

Katse si te das suato pa uni prame kai shai pushes tu:

•  So keras kana sikiuas pa e Biblia?

•  Trobuv te pokinau vareso?

•  Pe sode vriama si te sikios?

•  Sar astarau te sikiuau?

•  Shai zumavau sar si?

•  Te astarava te sikiuau pa e Biblia, trobuv te kerdiuvau marturo le Jehovasko?

•  Shai sikiuau murha Bibliasa?

•  Shai avel varekon mantsa?

•  Te avela estudisardem mai anglal le marturentsa le Jehovaske, shai estudiu pale?

•  Shai sikiuau korkorho pa e Biblia?

 O manush kai zhal tute si te sikavel tu pa e Biblia divano po divano. Kana estudisa e publikasion Iek lasho traio, si te dikhes tsirha po tsirha pa soste del duma e Biblia ai sar shai azhutil tu. Te kamesa te mai zhanes, dikh o video.

 No. Le marturia le Jehovaske keras so tradias o Jesus ka peske disipluria, kana phendias: “Tumen lian ivia, ivia den” (Mate 10:8). Pala godo, chi trobus te pokines pala publikasionuria kai trobun tu te estudis, sar e Biblia ai e publikasion Iek lasho traio.

 Ande publikasion si 60 sikaimata. But manush kamen te estudin iek sikaimos vai dui ando kurko. Numa tu shai alosares sode kames te estudis.

1.  1. Te shai astares te estudis, shai ramos tu. Ferdi si te las so tu ramos katse te zhal tute iek marturo le Jehovasko.

2.  2. O manush kai si te sikavel tu pa e Biblia si te akharel tu. Si te del duma tusa pa sar si te sikios pa e Biblia ai pa fersavi prama kai pushes tu.

3.  3. Tu ai o manush kai sikavela tu si te den duma pa sar si te sikios. Shai chidenpe te estudin vai shai ashen po telefono, videollamada, lil vai e-mail. Shai kerdiol kako uni minutsi, iek chaso vai mai but. Sar ashel tuke mai mishto.

 Ei. Katse shai ramos tu. Kana akharena tu shai phenes ke numa kames te zumaves te dikhes sar si. Atunchi shai len e publikasion Iek lasho traio, kai numa si la trin sikaimata.

 No. Kal marturia le Jehovaske plachal len te estudin pa e Biblia le manushentsa, numa chi thon zor pe lende te aven anda lengi religion. Von sikaven respeto kana den duma pa e Biblia, ai zhanen ke suako manush shai alosarel ande soste te pakial (1 Petri 3:15).

 Ei. Shai les e Biblia kai tu kamesa. Makar le marturia le Jehovaske las e Traducción del Nuevo Mundo ke si chachi ai vushoro te aliardiol, zhanas ke but manush sikade le te len pengi Biblia.

 Ei. Shai akhares sa cha familia vai le amiguria kai kamesa.

 Ei. Shai avela ke plachal tu mai but akana. Kacha publikasion kerdili te azhutil le manushen andal prame kai trobun len agies. Akana si mai vushoro te aliardiol ke si la but patretsi ai videuria.

 Ei. But manush si lenge mai vushoro te azhutil len varekon numa aver kamen te sikion korkorho. Kai mothol “Prame kai azhutin amen te mai sikiuas pa e Biblia” shai arakhes uni ande kakala prame kai si ivia:

•   Videuria te sikiuas pa e Biblia. Katse shai sikios uni andal bare suaturia la Bibliake.

•   So pushas amen pa e Biblia. Katse shai arakhes artikuluria kai den suato ka but prame la Bibliake.

•   So sikaven uni verseturia la Bibliake. Sikio so kamen te phenen uni suaturia ai verseturia katar e Biblia.