E Biblia sikavel amen te das sostar anklel amenge anda o ilo. Kana keras kako, na numa kon lel vareso veselime lo, vi amen sam veselime (Proverbios 11:25; Luk 6:38). O Jesus phendias: “Ke mai drago te des de sar te avel tut dino” (Le Apostolengo 20:35).

•  Kana si vorta te das?

•  Kana nai vorta te das?

•  Texturia la Bibliake kai den duma pa kana das amendar

 Kana anklel anda amaro ilo te das iek lashi prama avreske las mishtimos. E Biblia phenel: “Trobul swako manush te del, sar haliarel ande pesko ilo, ai na te mothol sostar dem, vai musai sas leske te del; ke O Del drago leske kodo kai del raduimasa” (2 Korintiana 9:7).

 O Del azhukerel katar le manush kai luvudis les te das ilesa (Iakov 1:27). Kana azhutis ka le manush kai trobun len, si sar te das vareso ka o Del ai pala godia vo aliarelpe sar te avela ke kamel amenge vareso (Proverbios 19:17). E Biblia phenel ke o Del si te pokinel amenge (Luk 14:12-14).

 Kana das numa pala amaro mishtimos. Sar:

•   Te dikhen le kolaver (Mate 6:2).

•   Kana das te las vareso palpale (Luk 14:12-14).

•   Te avasskepime (Salmo 49:6, 7).

 Kana das love te keren prame kai nai drago le Devleske. Iek ejemplo si, ke nas te avel vorta te das love ka iek manush te khelel peske pe lovende, te makiol vai te pel draba chorhe (1 Korintiana 6:9, 10; 2 Korintiana 7:1). Ai nas te avel vorta te das love varekaske kai shai kerel buki numa chi kamel (2 Thesaloniana 3:10).

 Kana chi mekel amen te keras le prame kai o Del mangel. E Biblia mothol ke o shero la familiako trobul te del ka peski familia so trobun len (1 Timote 5:8). Nas te avel vorta te del ka le kolaver ai na te lel sama katar peski familia. Ai, o Jesus chi dikhlias mishto kal manush kai chi lenas sama katar peske dada phure. Von phenenas ke le prame kai sas len trobunas te den len numa ka o Del (Marko 7:9-13).