Gindin pe kodola, kon shunen tut. Kana tyo programo keres, gindin pe kodola, kas pharimata si. Gindin perdal so hatyaren.

Mishto kide kethane tye vorbi. Tye vorbi t’aven shukara, dragi, thaj te zuraren. Na phen kasave vorbi, sosa azbas kaveren. Na dikh tele kodolen, kon naj le Jehovaske Manusha, thaj chi kodo na dikh tele, ande soste patyan.

Dikh, ke so si lasho kaverenge. Kade vorbin, ke kavera te kamen te shunen tyi vorba. Kodo te hatyaren, ke grizhis pe lende. Pe tyo muj voja t’avel.