Rudyin angla soste gindistu so te phenes. Rudyin ande kodo, te zhanes perdal te des le Devleski Vorba, thaj te na daras. Te zhanes pe soste vorbis. Na sityuv andre le vorbi, tye vorbenca phen, so kames te phenes.

Andar tyo jilo vorbin. Gindin pe kodo, so shaj sityon ande tyi vorba, kon shunen tut. Kade dichol pe tyo muj, thaj vi pe tute, ke dragimasa, thaj chachipe phenes.

Dikh pe kodola kon shunen tut. Dikh ande lenge jakha. Kana inkres tyo programo, pe jekh-jekh manush dikh, na pe sakoneste.