134. GIJI
O Jehova das le kuche shavoren
-
1. E romnyi kana dej kerdyol,
vi o rom atunchi dad kerdyola.
Mindig uzhes trubul te dikhen,
o cino na feri lengoj.
Ke o trajo o Jehova das,
aldashi si lestar le shavora.
Barar le opre sar voj mangel,
ke lesko drom si o majlasho.
(REFRENI)
Jekh cini shej, vaj cino shavo.
Sunto butyi, das tut o Del.
Tye shavores jilesa sityar,
le Jehovas, voj te kamel.
-
2. E vorba so phendas o Del,
ande tyo jilo inker sako dyes.
De le perdal tye shavoreske,
o Del kado mangel tutar.
Detehara, thaj vi pe ratyi,
kaj so phires, pa kadala vorbin.
Te na bistres, so mangel o Del,
tye shavores voj te shaj aldil.
(REFRENI)
Jekh cini shej, vaj cino shavo.
Sunto butyi, das tut o Del.
Tye shavores jilesa sityar,
le Jehovas, voj te kamel.
