Старысав кажно курко тэ розуӷанэс и Библия
САР лично ту розуӷанэс и Библия? Ту на промэкэс кадэя время и тути интересно? Или май часто тутэ на вижал када тэ терэс и ту ӥто цыёс? Амэ всаворэ бывает змардювас. Но погиндосар пала кацаво примеро. Кай о мануш тэ авэл вужо, лэсти трэбуй кажно дес тэ витидэл время и тэ пристол зор, кай тэ винаёл. Сар дэ драго и дэ вушэро посли када! Када можно тэ ԥэнэс и пала кода, кала ту розуӷанэс и Библия. И Библия — када сар паи, посли саво ашэл вушэро и драго (Еф. 5:26). Со поможыя тэ на промэкэс и время, кала розуӷанэс и Библия?
Вити́дэ время. Тэ розуӷанэс и Библия — када «па чачимастэ важно» и трэбуй тэ терэл кажно христианино (Флп. 1:10). Вити́дэ и время, сави тути поджал, запистросар по листочко и амблав варикай, кай тэ дицол, например по холодильнико. Или стов напоминания андо телефоно.
Тер, сар тути удобно. Варикасти чалёл долӷо тэ розуӷанэн, ай варикасти — май набут, но часто. Ту фэдэр ӷанэс, со поджала имено тути. Важ када розуӷан и Библия, сар тути авэла май удобно. Но со, если и время, сави ту витидян, поджыля, ай тути на камэлпэ? Тоди ԥэн пэсти, кай поадиноса кати 10 минут. Дажэ кадя набут фэдэр, чем нисо. И ко ӷанэн, можэт тути авэла кадя интересно, кай ту дажэ не сможэш тэ отшындёс (Флп. 2:13).
Май данглал витидэ и тема. Если ту залэс тэ витидэс и тема, кала ужэ поджыля и время тэ розуӷанэс, тоди тути авэла май ԥарэс тэ тратис тири время правильно (Еф. 5:16). Запистросар кодэла статьи и темы, савэ ту камэс тэ уӷанэс май драго. Например, если тутэ исин варисаво вопросо, сразу запистросар лэс. И, возможно, посли кажно разо тутэ лэна тэ появинпэ нэвэ темы, савэ ту закамэса тэ запистрос андо пэско списко.
Кала када трэбуй, парув варисо. На трэбуй тэ терэс фартэ ԥаро ӷрафико. Если када трэбуй, ту можэш тэ парувэс о дес, и время, скати лэса тэ розуӷанэс, или и тема. Ӷлавно най кода, кала, скати и со ту розуӷанэс, ай кода, кай ту терэс када кажно курко.
Тутэ точно авэла бут лашымос, если ту на лэса тэ промэкэс тэ розуӷанэс и Библия. Тоди ту ашэса май пашэ каринг о Иегова, лэса зор и сытёса тэ андярэс пэс годявэрнэс (Иис. Н. 1:8).
