Ԥарэс тути дэкала тэ згиндос о гиндо, саво ту кати адиносардян? Кацаво можэт тэ авэл бутэнца. Со можэт тэ поможый? Трэбуй най еқвар тэ шос сама пэ ӷлавни гиндоря.

Кала ту адинос и варисо розуӷанэс, дэкала притердюв, кай тэ погиндос пала кода, со ту щас уӷанглян. Кадэлэсти и камэлас тэ сытярэл о апостало Павло лэ ԥралэн и лэ ԥэян андэ ек пэско письмо. Во пистросардя: «И акэ со мэ камлэм тэ ԥэнав» (Евр. 8:1). Кадэлэ алавэнца во поможысардя кодэлэнди, ко адинояс лэско письмо, тэ на змардён па ӷлавно гиндо и тэ полэн, сар и гиндоря анда лэско письмо зжанпэ ек еқэса.

Ту можэш тэ витидэс время, — например, минут 10 посли кода сар вся проадиносардян, — кай тэ погиндос пала ӷлавни гиндоря. Если ту не можэш лэн тэ згиндос, тоди инке еқвар шув сама пэ подзаӷоловкоря или пэ ӷлавни гиндоря (обычно вонэ пистромэ андэ пэрви алава андо абзацо). Если ту уӷанглян варисо нэво, росԥэн када пэстирэ алавэнца. Кала ту лэса най еқвар тэ шос сама пэ ӷлавни гиндоря, када поможыя тути май драго тэ полэс, сар тэ прилэс каринг пэстэ кода, со адиносардян.