СТОРОЖЭВО БАШНЯ № 1 2023 | Психическо зор. Советоря анда Библия
Милионоря мануша па вся и люма страдают через о психическо насвалимос. Када можэт тэ авэл любонэ манушэса, саво бы лэстэ тэ на авэл возрасто, образования, достатко, нацыя или религия. Андэ кадэва журнало росԥэнэнпэ, со када психическо насвалимос и пар со во дицол. Кадяжэ ту уӷанэса, васо и мануша, кастэ исин психическо насвалимос, трэбуй тэ прожан личения кай и врачоря и сар лэнди можэт тэ поможый и Библия.
Психическо насвалимос — фартэ бари проблема
Психическо насвалимос можэт тэ авэл любонэ манушэстэ, саво бы лэстэ тэ на авэл возрасто, культура, нацыя, религия, образования и достатко. Уӷан, сар и советоря анда Библия моӷут драго тэ повлияют по психическо зор.
Помощь лэ Дэвлэстар
Васо можно тэ патяс, кай о Дэл полэл амарэ гиндоря и со амэндэ по ди, сар нико авэр?
1 | Молитва. «Вся, пала со пэрэжываете, пэрэстон пэр лэстэ»
Чаче можно тэ мангэспэ лэ Дэвлэсти пала вся, пала со пэрэжываеш? Сар и молитва можэт тэ поможый кодэлэнди, кастэ исин ԥаримос через и пэрэжывании?
2 | И алава анда Писания поможын
Андэ Библия ԥэнэнпэ пала надежда, кай ӥто никастэ на авэла психическо насвалимос.
3 | Лэ Дэвлэстирэ служытелёнэнго примеро
Андэ Библия росԥэнэнпэ пала преданни лэ Дэвлэсти мурша и жувля, савэндэ сас кацавэ жэ чуства, сар и амэндэ. Кала амэ уӷанас, сар вонэ споринаспэ лэ гиндонэнца, савэндар ашэлас ԥарэс по ди, амэндэ появийпэ зор тэ терас кадяжэ
4 | Библейски советоря, савэ поможын
Уӷан, сар кода, кай адиносарас и Библия и кай стас цэли, савэ можэм тэ домардювас, дэл амэнди зор, кала борисавас лэ гиндонэнца, савэндар ашэл ԥарэс.
Сар тэ поможыс лэ манушэсти, савэстэ психическо насвалимос
Важ кодэла, кастэ исин психическо насвалимос, фартэ важно тумари подержка.
