Помощь лэ Дэвлэстар
О ДЭЛ подарисардя амэнди и Библия, и вся, со андэр латэ пистромэ, анэн амэнди лашымос. И Библия — када най медицынско справочнико, но андэр латэ исин советоря, савэ поможын тэ улас и трудности, и пэрэжывании, и гиндоря, савэндар ашэл ԥарэс, и проблемы лэ зорэса.
Но со май важно, андэ Библия пистромэ, кай амаро Создателё, о Дэл Иегова a, полэл амарэ гиндоря и со амэндэ по ди, сар нико авэр. Во ӷотово тэ поможый амэнди тэ виритярас о ԥаримос, саво исин андэ жызня. Шув сама кати пэ дуй библейски стихоря, савэ моӷут тут тэ подритярэн.
«О Иегова паша кодэва, ко бидаса умардо, и фэрий кодэлэс, касти ԥарэс по ди» (ПСАЛОМ 34:18).
«Важ кода кай мэ, тиро Дэл Иегова, ритярав тут пала право вас и ԥэнав: „На дар, мэ поможысарава тути“» (ИСАЙЯ 41:13).
Но сар именно о Иегова поможый амэнди тэ борисавас, кала исин найлашо психическо зор? Андэ авэр статьи росԥэнэнпэ пала дэсавэ способоря, савэ использует о Иегова.
a Иегова — када лэ Дэвлэско алав (Псалом 83:18).
