1. Васо адес можно тэ ԥэнас, кай андо ери най кадя линэ фартэ тэ любин ек еқэс?

АНДЭ Библия ԥэнэнпэ, кай андэ послидни деса бут мануша на лэна тэ полэн «лэ родос» (2 Тим. 3:1, 3). Кадя и исин. Милионоря еря розжанпэ. Родителя ашэн вороӷонэнца, ай и бэяцэ гиндон, кай никасти на трэбуй. Но дажэ, кала андо ери жувэн всаворэ вмести, вонэ, ԥэнэса, сар чужи ек еқэсти. Акэ, со ԥэнэн о спецыалисто, саво подԥэнэн, со тэ терэн, кай андо ери тэ авэл май драго: «Дада, дэя и бэяцэ, ашэн сар чужи ек еқэсти, важ кода кай на мэкэн анда вас планшэто, телефоно и видеоигры. Хоть вонэ жувэн андо ек цэр, но, ԥэнэса, кай вонэ на ӷанэн ек еқэс драго».

2, 3. а) Сар ԥэнэнпэ андэ Римлянам 12:10, кас амэ трэбуй тэ любисарас анда вся оди? б) Пала со амэ подаса дума андэ кадэя статья?

² Адес бут мануша, савэ гиндон кати пала пэстэ и савэнди всаек, со терэлпэ андэ люма. Амэ кацавэ на камас тэ авас (Рим. 12:2). Амэ полас, кай трэбуй тэ любисарас лэ ԥралэн и лэ ԥэян андэ собрания кадя, сар пэстирэ ерес. (Адиносар Римлянам 12:10.) И алава «анда вся ди любин» пэрэдэн о гиндо, кай трэбуй тэ полэн ек еқэс кадя, сар андо ери. И када поможыя, кай машкар христианоря тэ авэл ладо и тэ служысарас лэ Иеговасти кадя, сар во камэл (Мих. 2:12).

³ Со амэ тэ терас, кай амэндэ тэ авэл кацави любовь? Андэ када амэнди поможына библейски примероря.

4. Сар амэн о Иегова любий, сар ԥэнэнпэ андэ Иакова 5:11?

⁴ Андэ Библия росԥэнэнпэ, саво о Иегова. Например, андэр латэ ԥэнэнпэ, кай «о Дэл исин любовь» (1 Иоан. 4:8). И ек кати ужэ важ када, амэ камас тэ авас лэстирэ друӷоря. И инке андэ Библия ԥэнэнпэ, кай о Иегова фартэ любий. (Адиносар Иакова 5:11.) Сар дэ драго, кай амэ важ лэстэ куч!

5. Сар о Иегова сыкавэл, кай жалуий анда вся оди амэн и сар амэ можэм лэстар тэ сытювас?

⁵ Шон сама, со ԥэнэнпэ андэ Иакова 5:11 пала кода, кай о Иегова фартэ любий и жалуий анда вся оди (Исх. 34:6). Важ кода кай о Иегова жалуий амэн анда вся оди, во простий амарэ ошыбки (Пс. 51:1). Анда Библия амэ уӷанас, кай жалуий анда вся оди, када най кати тэ простий и ошыбки, андэ када ужал май бут. Када фартэ бари чуства, через сави камэлпэ тэ поможыс кодэлэсти, ко попэля андэ бида. О Иегова ԥэнэн, кай май фартэ амэн жалуий, чем и дэй пэстиря бэятос (Ис. 49:15). Важ када во камэл кажно разо тэ поможый амэнди, кала амэнди ԥарэс (Пс. 37:39; 1 Кор. 10:13). Кала амэ простисарас амарэ ԥралэн и ԥэян, амэ сыкавас, кай жалуисарас лэн анда вся оди и на холявас пэр лэндэ, дажэ если вонэ амэн варисоса холярдэ (Эф. 4:32). Амэ поможысарас лэ ԥралэнди и лэ ԥэянди, кала лэнди ԥарэс, важ кода кай жалуисарас лэн анда вся оди. Кала амэ пэс кадя андярас, амэ терас, сар о Иегова, саво любий и жалуий анда вся оди (Эф. 5:1).

6. Росԥэнэн, сар дружынас о Ионафано и о Давидо?

⁶ Анда Библия амэ уӷанас, кай и нэсовершэни мануша вижалас тэ авэн лашэ друӷонэнца. Подам дума пала Ионафано и Давидо. Андэ 1 Самуила 18:1 ԥэнэнпэ: «Посли кода, сар о Давидо подя  дума лэ Саулоса, о Давидо и о Ионафано ашэлэ пашутнэ друӷоря. О Ионафано полюбисардя лэс всаворэ одеса». Через дэсави время посли кода, сар о Давидо сас помазано, кай тэ авэл царёса вместо Сауло, о Сауло ля лэс тэ вэрыцый и камля тэ умарэл. Ай о Ионафано, лэ Саулоско шаво на подритярэлас пэстирэ дадэс, ай любияс лэ Давидос. О Давидо и о Ионафано динэ солах ек еқэсти, кай ашэнапэ друӷоря пэ вся и жызня (1 Сам. 20:42).

7. Через со о Давидо и о Ионафано моӷли тэ на авэн друӷонэнца?

⁷ Кода, кай о Ионафано и о Давидо дружынас, сас нэобычно. И вонэ бут со пэрэандярдэ. Хоть о Ионафано сас барэдэр пэ 30 бэрш лэ Давидостар, о Ионафано на гиндояс, кай лэсти авэла най интересно тэ проандярэл и время лэ Давидоса, важ кода кай о Давидо сас пэ бутэстэ май тэрно, чем о Ионафано, и кай во май набут полэлас андэ жызня, чем во. Но во всаек столас патив по Давидо.

8. Сар тумэ гиндон, васо о Ионафано сас лашо друӷо важ о Давидо?

⁸ О Ионафано на завидуияс лэ Давидости, хоть во, сар лэ Саулоско шаво, сас трэбуй тэ авэл царё (1 Сам. 20:31). О Ионафано на сас ӷордо. Во кандэлас лэ Иеговас и подритярэлас кода, кай о Иегова витидя лэ Давидос царёса. Ай инке, о Ионафано сас преданно лэ Давидости. Хоть через када лэско дад пэр лэстэ холявэлас (1 Сам. 20:32—34).

9. Пар со дицолас, кай о Ионафано на завидуияс лэ Давидости? Росԥэнэн.

⁹ Важ кода кай о Ионафано анда вся оди любияс лэ Давидос, во лэсти на завидуияс. О Ионафано сас лашо лучнико и воино. Пала лэстэ и пала лэско дад ԥэнэнас, кай вонэ май быстро, чем о орло, и май зоралэ, чем о лево (2 Сам. 1:22, 23). Кай о Ионафано сас, васо тэ абурой, но во на сас ӷордо и на завидуияс. Лэсти чалёлас, кай о Давидо сас смило и фартэ патялас лэ Иеговасти. Шон сама, кай о Ионафано полюбисардя лэ Давидос посли кода, кала во умардя лэ Голиафос. Ай со амэ трэбуй тэ терас, кай амэ кадяжэ тэ любисарас амарэ ԥралэн и ԥэян андэ собрания?

10. Со сыкавэн и алава «Фартэ любин ек еқэс анда вся ди»?

¹⁰ Андэ Библия ԥэнэнпэ: «Фартэ любин ек еқэс анда вся ди» (1 Пет. 1:22). Андэ када сыкадя лашо примеро о Иегова. Во фартэ любий пэстирэ служытелёнэн и никала на парашэла лэн тэ любий! (Рим. 8:38, 39). О ӷреческо алав, саво пэрэандярдёл андэ кадэва стихо «фартэ», пэрэдэл о гиндо, кай о мануш трэбуй тэ пристол бут зор, кай варисо тэ подцырдэл или тэ вицырдэл. И чаче, дэкала, кай драго тэ обжаспэ лэ ԥралэнца и лэ ԥэянца андэ собрания, трэбуй бут зор. И всаек амэнди трэбуй тэ авас терпеливи, тэ любисарас лэн, дажэ кала вонэ амэн холярэн. «На парашэн тэ гиндон и тэ терэн, сар ек, кай тэ ладин ек еқэса» (Эф. 4:1—3). Если амэ анда вся оди камас, кай тэ авэл мирно, то на аваса тэ шас сама пэ кода, со лэндэ най кадя вижал и пэ лэндирэ ошыбки, ай ласа тэ терас вся, кай тэ обжаспэ лэнца кадя, сар о Иегова (1 Сам. 16:7; Пс. 130:3).

11. Васо дэкала найвушэро тэ обжаспэ ковлэс лэ ԥралэнца и лэ ԥэянца?

 ¹¹ Дэкала найвушэро ковлэс тэ обжаспэ лэ ԥралэнца и лэ ԥэянца, особенно, кала диқас андэр лэндэ кода, со на чалёл амэнди. Кадя сас андэ христианско собрания андо пэрво вико. Файма, и Еводия и и Синтихия сас лошалэ, кала служынас лэ Павлоса. Но па дэсави причина кадэла ԥэя на ладинас машкар пэстэ. Важ када о Павло ԥэнэнас лэнди, кай тэ «на парашэн тэ гиндон еқэндар пала Ӷосподо» (Флп. 4:2, 3).

12. Со поможыя амэнди тэ обжаспэ лэ ԥралэнца и лэ ԥэянца ковлэс?

¹² Со поможыя амэнди ковлэс тэ обжаспэ лэ ԥралэнца и лэ ԥэянца андэ собрания? Амэ фэдэр лэн поласа и ковлэс лэнца ласа тэ обжаспэ, если лэн май драго уӷанаса. И кадэлэсти на трэбуй тэ мишает кода, скати лэнди бэрш и сави лэндэ нацыя. Сэрэн, о Ионафано сас барэдэр лэ Давидостар пэ 30 бэрш. Но вонэ всаек сас лашэ друӷоря. Ай тумэ можэте тэ авэн друӷоря андэ собрания кодэлэнди, ко май ԥуро или май тэрно тумэндар? Кадя амэ можэм тэ сыкавас, кай любисарас всаворэ ԥралэн (1 Пет. 2:17).

13. Васо най всаворэ андэ собрания моӷут тэ авэн пашутнэ друӷоря?

¹³ Всаворэ андэ собрания моӷут тэ авэн амэнди пашутнэ друӷоря? Най. Нинай нисо андэ кода, кай амэ май бут время проандярас кодэлэнца, каса амэндэ исин варисо общё. Например, о Иисусо ԥэнэнас, кай всаворэ апостолоря лэсти друӷоря, но о Иоанно лэсти сас май куч (Иоан. 13:23; 15:15; 20:2). Но када на сыкавэл, кай во сас лэско любимчико. Кала о Иоанно и лэско ԥрал о Иаково пашэлэ кай о Иисусо тэ мангэн почотно ҭан андэ лэ Дэвлэско Царство, о Иисусо лэнди ԥэндя: «Ко тэ бэшэл мандар па право вас или па лево, када най мэ витидав» (Мар. 10:35—40). Амэ терас, сар о Иисусо, кала андэ собрания всаворэнца драго обжаспэ  и нэ выделяем пэстирэ друӷос май фартэ (Иак. 2:3, 4). Ай если амэ на ласа тэ терас, сар о Иисусо, тоди андэ собрания на авэла мирно и ладо (Иуды 17—19).

14. Сар о совето анда Филиппийцам 2:3 поможыя амэнди, кай тэ на домардювас, кай тэ авас пэрви?

¹⁴ Котэ, кай любин анда вся оди и ковлэс обжанпэ аврэнца, нинай кацаво, кай тэ домардён, кай тэ авэн пэрви. Сэрэн пала Ионафано, во на завидуияс лэ Давидости и на камэлас тэ борийпэ лэса, кай тэ авэл царёса. Амэ кадяжэ на борисавас амарэ ԥралэнца и ԥэянца и на завидуисарас, кала лэндэ варисо вижал май драго, чем амэндэ. Наоборот, амэ на заваздас о шэро, ай гиндосарас, кай авэр май лашэ амэндар. (Адиносар Филиппийцам 2:3.) Давайте на аваса тэ бистрас, кай андэ собрания кажно мануш куч. Если амэ на аваса ӷорди, када поможыя амэнди тэ шас сама пэ кода, со кай амарэ ԥрала и ԥэя драго вижал и тэ сытювас лэндар (1 Кор. 12:21—25).

15. Сости амэ сытювас анда кода, со сас ла ԥьяса, ла Таняса?

¹⁵ Кала андэ трудни ситуацыи, амарэ ԥрала и ԥэя анда вся оди поможын амэнди андэ кода, со трэбуй, через када амэ диқас лэ Иеговастири забота. Акэ, со сас амаря ԥьяса, савя ақарэн Таня. Андо 2019 бэрш вой сас пэстирэ тринэ бэятонэнца андэ США пэ Международно канӷрэсо «Любовь никала на прожала». В субботу вэчэром, вонэ ринаспэ пэ пэстири машына андэ ӷостиница. И Таня росԥэнэн: «Неожиданно вихукэл па встречно машына и дэлдап амэн. Амэнца сас вся драго, хотя амэ фартэ пэрэдарайлям,  виӷульдям анда машына и терделям по дром. И котэ амэ додиқлям, кай варико тердёл пэ обочина и ақарэл амэн андэ пэстири машына. Вижыля, кай када амаро ԥрал, саво кадяжэ ладэлас па канӷрэсо. И най кати ек во камэлас амэнди тэ поможый. Инке терделэ панч мануш анда Швецыя. И ԥэя нежно облэнас ман и мэрня щя. Када фартэ трэбуй сас амэнди. Мэ ԥэндэм лэ ԥралэнди и лэ ԥэянди, кай вонэ тэ на пэрэжывают и тэ ладэн, но вонэ на улаглэ, пока на авеля и скоро помощь и на уӷанглэ, кай амэнца вся драго. Вся кадэя время амэ диқасас, кай о Иегова пала амэндэ нежно заботияспэ. Посли кода, со сас амэнца, амэ инке май фартэ лям тэ цэнисарас амарэ ԥралэн и ԥэян, и лэ Иеговастири любовь и забота». Ай тумэндэ сас кацаво, кала андо ԥаримос и ԥрала и ԥэя анда вся оди подритярдэ тумэн?

16. Васо амэнди трэбуй ковлэс тэ обжаспэ лэ ԥралэнца и лэ ԥэянца?

¹⁶ Фартэ важно тэ любисарас анда вся оди и тэ обжаспэ ек еқэса ковлэс. Кадя амэ подритяраса лэ ԥралэн и лэ ԥэян, савэнди трэбуй помощь. Кадя жэ амэ терас, кай тэ авэл мирно андэ лэ Дэвлэско народо. Ай инке и мануша, кастэ искреннё ди, диқэн, кай амэ лэ Христостирэ чачунэ ученикоря и камэн тэ служын амарэ Дэвлэсти. И инке, со май ӷлавно, кадя амэ прославляем лэ Иеговас, «саво полэл и жалуий анда вся оди и... саво терэл [кай тэ авэл] май вушэро по ди» (2 Кор. 1:3). Важ када давайте на ласа тэ парашас ковлэс тэ обжаспэ лэ ԥралэнца и лэ ԥэянца и тэ терас када инке май фартэ.