Кала терэлпэ бида андэ природа
ЕСЛИ ту пэрэжудян бида, сави тердяпэ андэ природа, тоди ту полэс, со кодэлэ манушэнца, савэ кадяжэ када пэрэжудэ. Лэ манушэстэ шоко, во нисо на камэл, на ӷанэн со тэ терэл, во пэрэжывает и лэсти и рят снинпэ страшни сунэ. Часто кацавэ мануша на ӷанэн состэ тэ лэнпэ и вонэ кадя умардэ эмоцыанально, кай аж на камэн тэ жувэн.
Посли кода, сар тердяпэ бида андэ природа, тутэ по ди можэт тэ авэл кацаво, кай зор ужэ на ашэляпэ. Тути дажэ можэт тэ здэлпэ, кай акана най васо тэ жувэс. Но андэ Библия ԥэнэнпэ, кай всаек исин васо тэ жувэс и исин васо тэ патяс, кай англэ авэла лашимос.
О ЧАЧИМОС АНДА БИБЛИЯ ДЭЛ ТЭ ПОЛАС ВАСО ЖУВАС
Андэ Экклезиаст 7:8 ԥэнэнпэ: «И дила май лащи, кала заканчиваеца, чем кала начинаеца». Сразу посли кода, сар тердяпэ и бида андэ природа, можэт тэ здэлпэ, кай ужэ нисо на стерэса. Но если ту на аштярэса вся и сразу, ай понабут лэса тэ лашарэс пэстири жызня, тоди вся можэт тэ ашэл фэдэр.
Андэ Библия ԥэнэнпэ пала время, кала «будэр на авэла тэ ашундёл, кай варико ровэл и жалобно цыпий» (Исаия 65:19). Када авэла, кала ла ԥувьяса лэла тэ правий лэ Дэвлэско Царство и вой ашэла раё (Псалом 37:11, 29). Тоди андэ амари жызня будэр никала на авэна и биды андэ природа. И мануша забистрэна вся о найлашимос, саво сас андэ жызня, важ кода кай о Всемоӷущё дя алав: «Кода, со сас, на лэна тэ сэрэн, и када на авэла по ди» (Исаия 65:17).
Представь, о Создателё камэл тэ дэл тути «лашимос, саво авэла англэ», када райкани жызня пэ лащи ԥув! (Иеремия 29:11). Сар кадэва чачимос можэт тэ дэл тути помощь тэ диқэс пэ жызня па аврятэ? И Салли, пала сави ужэ ԥэнэнаспэ, росԥэнэн: «Если сэрэс пала кода, со аштярэл амэн, кала правия лэ Дэвлэско Царство, када поможый тэ бистрэс со сас, и тэ пэрэжувэс кода со акана андэ жызня».
Обязательно уӷан май бут пала кода, со йто лэ Дэвлэско Царство стерэла важ всаворэ мануша. Кадя ту диқэса, кай, саво бы ԥаримос тутэ тэ на авэл, и жызня ашэл, кай тэ жувэс. Но андэ Библия ԥэнэнпэ най кати пала лашимос, саво авэла англэ. Андэр латэ исин принцыпоря, савэ поможын тэ пэрэжувас кода, со стердяпэ посли бида андэ природа. Роздиқам дэсавэ принцыпоря.
