О Дэл дя алав лэ Авраамости, кай через лэско потомко «блаӷословинапэ всаворэ народоря пэ ԥув» (Бытие 22:18). Ко кадэва потомко?

Варикай 2 000 бэрш палпалэ о Дэл дя зор лэ Иисусости тэ терэл барэ чудеса. Во сас лэ Авраамоско потомко. Када доԥэнэнас, кай о алав, саво о Создателё дя лэ Авраамости, исполница через о Иисусо (Галатам 3:14).

Лэ Иисусостирэ чудеса поможынас лэ манушэнди тэ полэн, кай именно лэс о Дэл витидя, кай тэ блаӷословий всаворэ манушэн. Кадяжэ кадэла чудеса сыкадэ, саво лашимос о Создателё камэл тэ дэл лэ манушэнди англэ. Шу сама, сар кадэла чудеса поможын май драго тэ полас, саво сыно о Иисусо.

О Иисусо терэлас лашимос. Во исцэлияс лэ насвалэн.

Еқвар о прокажонно мангля лэ Иисусос тэ исцэлий лэс. О Иисусо ляпэ лэстэ и ԥэндя: «Камав. Ав зорало». И о прокажонно сразу жэ исцэлисайля (Марка 1:40—42).

О Иисусо дэлас анда оди. Во праварэлас лэ боқалэн.

О Иисусо на камэлас, кай и мануша тэ авэн боқалэ. Най еқвар о Иисусо терэлас чуда и праварэлас тысячи манушэн. Важ када лэсти трэбуй сас кати набут марно и мащё (Матфея 14:17—21; 15:32—38). О хамос сас кадя бут, кай всаворэ мануша чалелэ и дажэ инке ашэляпэ.

О Иисусо полэлас и жалуияс лэ манушэн. Во рияс каринг и жызня лэ мулэн.

Еқвар о Иисусо рисардя ла ԥивлятирэ шавэс, саво латэ сас ек. Лэсти ашэля ла жалко, важ кода кай пала латэ найкасти авелоп тэ диқэл (Луки 7:12—15).