Васо амэ трэбуй тэ на умэкас и вас?

СО, ЕСЛИ бы о Дэниело, о бэято, саво муля лэ ракостар, тэ на парашэл тэ патял, кай во виличияпэ? Виличисайлоп во лэ ракостар? Авелоп во адес жундо? Дажэ кодэла мануша, савэ патян, кай и надежда можэт тэ виличий, кадя на ԥэндоп. Трэбуй тэ сэрас, кала о мануш надеийпэ, кай виличияпэ, када най драб всаворэ насвалимастар.

О врачо Нэйтано Черни росԥэнэнас пэ Си-би-эс (када новости па радио и телевизоро). Во ԥэнэнас, кай када нэправильно, кала и мануша, кастэ исин ԥаро насвалимос, гиндон, кай если вонэ на умэкэна и вас, вонэ виличинапэ. Во ԥэндя: «Дэкала и хула́я цыпин пэ пэстирэ хулая́, важ кода кай вонэ на улэн анда пэско ди о ԥаримос и на шон бут сама по лашимос, саво исин. Через кадэва гиндо и мануша линэ тэ патян, кай кадя можно тэ виличин о рако. Тэ авэл када кадя, тоди лэ насвалэнго зор ашэлоп май лашо кодэлэстар, кай вонэ фартэ патян, кай виличинапэ. Но када найчачимос.

О мануш, кастэ ԥаро насвалимос, анда вся о зор старыийпэ тэ ритярдёлпэ, но о насвалимос всаек лэл пэско. И канешно, о родо лэ насвалэ манушэско на камэл, кай лэсти тэ авэл инке май ԥарэс и кай во пэс тэ дошалярэл. Тоди хэба можно тэ ԥэнас, кай кодэлэстар, кай о мануш надеийпэ по лашимос, нисо на авэла?

Най, канешно. Например, о врачо, пала саво ужэ сас пистромэ андэ кадэя статья, бут со терэл, кай лэ манушэнди, кастэ фартэ ԥаро насвалимос тэ авэл най кадя ԥарэс тэ жувэн пэстирэ насвалимаса. Кацавэ врачоря фартэ патян, кай када можэт тэ поможый и тэ подритярэл лэ насвалэ манушэн, кай вонэ тэ на умэкэн и вас. Исин бут со доԥэнэн, кай кала о мануш на умэкэл и вас, кадэлэстар исин бут лашимос.

Пэ скати дэ важно тэ патяс андо лашимос?

О журналисто Гиффордо-Джонсо, саво пистрой пэ медицынски темы, ԥэндя, кай кала патян андо лашимос, кадэлэстар исин зор. Во диқэлас пала мануша, кай тэ полэл, пэ скати дэ важно тэ подритярэн лэ манушэн, савэндэ фартэ ԥаро насвалимос. Дэко ԥэнэн, кай кала подритярэн кацавэ манушэн, лэ насвалэнди по ди ашэл май вушэро. Андо 1989 бэрш полинэ, кай кала лэ насвалэ манушэн подритярэн, тоди вонэ жувэн май долӷо. Ай май интя полинэ, кай када най кадя. Но всаек и учони ԥэнэн, кай кала подритярэн кодэлэн, кастэ ԥаро насвалимос, лэндэ май набут дук и депрессия.

Акэ со стердэ инке. Кай и май бут, чем 1 300 мурш пушлэ пала кода, сар вонэ диқэн пэ жызня, лащя ригатар чи най. Сар прожылэ дэш бэрш, май бут, чем 12 процэнтов анда кадэла мурша, сас насвалимос лэ одеса. Андар лэндэ дувар май бут сас кодэла мануша, савэ диқэнас пэ жызня найлащя ригатар, чем кодэла, ко диқэлас лащя ригатар. И учоно манушни анда Гарвардско университето, сави сытярэл пала зор и пала кода, сар андярэн пэс и мануша, ԥэнэн: «И врачоря пэрво, со доԥэндэ, кай кастэ исин насвалимос лэ одеса, и вонэ старыинпэ тэ диқэн пэ вся лащя ригатар, кадэлэстар лэндэ ашэл май лашо зор».

Дэсавэ учони ԥэнэн, кай кодэла, ко гиндон, кай лэндэ вэрыто зор, май медленно лэн зор посли операцыя, чем кодэла, ко гиндон, кай лэндэ лашо зор. Ԥэнэн, кай кала о мануш гиндой пала лашимос, во можэт тэ прожувэл май долӷо! Акэ, со стердэ и учони, кала камэнас тэ диқэн, со авэла, кала о ԥуро мануш гиндой драго и найдраго пала ԥуримос. Лэ ԥурэ манушэнди сыкавэнас по телевизоро алава, анда савэ дицолас, кай кала лэ манушэсти бут бэрш, во май мудро и май бут полэл. Посли када вонэ ашэлэ май бодри и линэ тэ патян андэр пэстэ. Лэндэ ашэля кацаво лашо зор, кабута лэндэ трин шон сас физкультура.

Сар тэ полас, васо кала о мануш патял, кай лэстэ авэла вся драго, кадэлэстар лэстэ авэла май лашо зор? Файма, и учони и врачоря инке нэ исследовали лэ манушэстири годи и о орӷанизмо кадя драго, кай тэ дэн пэ када лашо атвето. И всаек, кай дэсавэ спецыалисторя, савэ терэн кадэя дила, исин дэсавэ гиндоря. Например, ек профессоро-невролоӷо ԥэнэн: «Драго, кала о мануш радуийпэ и патял, кай авэла лашимос. Када поможый, кай почти тэ на авэл стрессо и тэ авэл май лашо зор».

Кадэва гиндо можэт тэ авэл нэво важ и врачоря, психолоӷоря и учони. Но во най нэво важ кодэла, ко адиной и Библия. Почти 3 000 бэрш палпалэ о мудро царё Соломоно, пистросардя: «О радосно ди личий, сар лашо драб, ай оди, савэсти фартэ ԥарэс, залэл о зор» (Притчи 17:22). Тумэ шутэ сама, сар дэ годявэрнэс ԥэндо? Катэ на ԥэнэнпэ, кай о радосно ди виличий любо насвалимос, ай пистромэ, кай во «личий, сар лашо драб».

Если бы о мануш виличисайлоп кодэлэстар, кай патял андо лашимос, тоди и врачоря личисардоп лэс кадэлэса. Инке, кала о мануш аштярэл о лашимос, када фэрий най кати о зор.

Савя ригатар ту диқэс пэ тири жызня?

И учони полинэ, кай кала о мануш диқэл пэ вся лащя ригатар, када анэн бут лашимос. Лэндэ май драго вижал андэ школа, пэ бути и дажэ андо спорто. И учони пропушлэ кай и дэсавэ тренероря, сар вонэ гиндон, ко анда лэндири команда вицэлэла. Кадяжэ пушлэ кай кажно спорцмено, вицэлэла во чи най. И вижыля кадя, кай вицэлдэ кодэла, ко патянас, кай лэндэ када вижала, ай най сар гиндонас и тренероря. Кода, сар о мануш диқэл пэр пэстэ, май бут сыкавэл, вижала лэстэ чи най варисо тэ стерэл. Васо, кала о мануш на умэкэл и вас и диқэл пэ вся лащя ригатар, во стерэла кода, со во камэл?

Андэ 1960 бэрша уӷанглэ май бут пала када. И учони стердэ исследования пэ жывотни и додиқлэ, кай и жывотни присытён каринг кода, кай нэ моӷут варисо тэ стерэн, хоть када най кадя. Кадяжэ вонэ диқлэ, сар дэсавэ мануша андярэн пэс. Кай май драго тэ полэн када, вонэ линэ ек ӷруппа манушэн, савэнди включисардэ фартэ ӷромко звуко и ԥэндэ, кай вонэ моӷут тэ мударэн лэс, если тасавэна пэ кнопки, савэ лэнди сыкадэ. Кала вонэ тердэ када, вонэ мудардэ о звуко.

Кадяжэ вонэ линэ дуйто ӷруппа манушэн, включисардэ кадэва жэ звуко и ԥэндэ тэ тасавэн пэ кодэла жэ кнопки. Но кала вонэ тасавэнас, о звуко на мудардёлас. Бут мануша анда дуйто ӷруппа линэ тэ гиндон, кай лэндэ нисо на вижала. Тоди кала лэнди дэнас авэр задании, вонэ ужэ нисо на камэнас тэ терэн. Вонэ гиндонас, кай со бы вонэ тэ на терэн, када вся евья. Но дажэ андэ кадэя ӷруппа сас мануша, савэ на умэкэнас и вас и диқэнас пэ кадэя ситуацыя лащя ригатар.

О Мартино Селигмано, када о учоно, саво поможыяс андэ кадэла исследовании. Во ля тэ уӷанэн, саво лашимос анэн кода, кала о мануш старыийпэ пэ вся тэ диқэл лащя ригатар. Кадяжэ во камэлас тэ полэл, сар гиндон и мануша, савэндэ па лэндирятэ нисо на вижал. Во поля, кала о мануш гиндой, кай лэстэ нисо на вижала, када на дэл лэсти тэ терэл варисо нэво и через када во вообще нисо на терэл. Посли кода, сар о Селигмано дотердя исследовании, во ԥэндя: «Важ и 25 бэрш мэ полэм, кай если амэ, сар и о мануш, саво на патял андэр пэстэ, вся и время тэ гиндосарас, кай амэндэ нисо на вижал и кай вся, со амэ терас нисо на ашэл, тоди кадэлэстар ашэл инке май хужэ. Ай если бы амэ тэ гиндосарас па аврятэ, вся авелоп май фэдэр».

Важ варикастэ адес кадэва гиндо можэт тэ авэл нэво. Но кодэла, ко адинон и Библия, ӷанэн када дэлмут. Шон сама пэ кадэла алава: «Если андэ ԥари время ту умэклян и вас, тоди тутэ на авэла зор» (Притчи 24:10). Андэ Библия ԥэнэнпэ, кай, кала о мануш умэкэл и вас и диқэл пэ вся найлащя ригатар, через када во парашэл варисо тэ терэл. Со тэ терас, кай амэндэ тэ на авэл кадя?

 [Картинка, страницы 4, 5]

Кала о мануш на умэкэл и вас, кадэлэстар можэт тэ авэл бут лашимос.