Кай тэ радуисарас лэ Иеговас, амэнди трэбуй вера. Но всаек андэ Библия ԥэнэнпэ: «Най всаворэ патян» (2 Фес. 3:2). О апостало Павло ԥэндя када пала найлашэ мануша, савэ лэс ӷонинас. Но лэстирэ алава можно тэ прилэс най кати каринг лэндэ. Например, адес дэсавэ отԥэндён тэ патян, кай вся создал о Дэл (Римо 1:20). Авэр патян, кай исин варисаво баро зор. Но када най кодэя вера, сави радуий лэ Иеговас.

Амэ трэбуй тэ патяс, кай о Иегова исин и кай во блаӷословий кодэлэн, кастэ састи вера (Евр. 11:6). Тэ патян — када о лашымос лэ Дэвлэстирэ зорэстар. Ай кай тэ получисарас о свынто зор, амэнди трэбуй тэ мангас лэс кай о Иегова (Лука 11:9, 10, 13). Кадяжэ, кай амэндэ тэ авэл о свынто зор, важно тэ адиносарас и Библия — книӷа, сави сас пистромэ лэ Дэвлэстирэ зорэса. Тоди трэбуй тэ погиндосарас пала кода, со проадиносардям, и тэ старысавас тэ прилас кода, со уӷанглям. Кадя лэ Иеговаско свынто зор лэла тэ влияет пэ амари жызня и поможыя тэ састярас пэстири вера, сави радуий лэ Дэвлэс.