Кай о Никола́ и Сели́на сас авэр ԥаримос. О француско филиало мангля лэн тэ пэрэжан андэ нэво ла мисяйляко ӷурто. Вонэ росԥэнэн: «Спэрва амэ самас фартэ бахталэ. Но сар прожыля время, амэ полям, кай фартэ скучисарас пала пэстирэ друӷоря. Ай по нэво ҭан, амэ почти никаса драго на подружысайлям» a. Да, амэ ӷанас, кай можэт тэ авэл ԥаримос, но со поможыя, тэ авэл май вушэро тэ пэрэжас андэ нэво ӷурто? Сар моӷут тэ поможын и катутнэ ԥрала и ԥэя? И со тэ терэс, кай кала пэрэладэс, када тэ анэн лашымос тути и лэ ӷуртости?

ШТАР ЛАШЭ СОВЕТОРЯ

1. Надеисав по Иегова (Пс. 37:5). И ԥэй Кадзу́ми анда Япония, сас андэ ек ла мисяйляко ӷурто 20 бэрш. Но потом через лэ хуластири бути лати прижыляпэ тэ пэрэладэл. Сар вой «[отдя] пэско дром лэ Иеговасти»? Вой росԥэнэн: «Дэкала мандэ сас нэспокойно по ди и мэ чуствовала, кай мэ екжэни. Мандэ дажэ сас паника. Мэ росԥэнавас вся лэ Иеговасти, и кажно разо во дэлас манди зор».

Со поможыя тути тэ надеиспэ по Иегова, кала варисо парудёл андэ тири жызня? Сар амэ ӷанас, кай тэ барёл и растения, трэбуй паи и ԥув. Кадяжэ трэбуй тэ састярас и амари вера. О Никола, пала саво амэ ужэ дям дума, май драго розуӷангля пала лэ Авраамостири, лэ Исусостири и лэ Павлостири жызня. Кадэла мурша бут состар отԥэнделэ, кай тэ терэн кода, со камэл о Иегова. Лэнго примеро придя лэ ԥралэсти зор, кай о Иегова подритярэла и лэс. Кала на промэкэс екжэно тэ иследуеш и Библия, када поможыя тути  тэ присытёс каринг и нэви жызня. Кадяжэ када стерэла тири дружба лэ Иеговаса май састи и тутэ авэла бут со тэ росԥэнэс лэ ԥралэнди и лэ ԥэянди андэ нэво ӷурто.

2. На́ сыстосар (Эккл. 7:10). Кала о Жюлё анда Бенино пэрэлагля андэ Соединённи Штаты, во попэля андэ авэр культура. Во росԥэнэн: «Мэ цыелэмас кодэлэстар, кай манди задэнас бут вопросоря. Здэласпэ, кай всаворэ камэнас вся тэ розуӷанэн пала мандэ». О Жюлё на присытеля каринг када и важ када ля тэ дурёл лэ ԥралэндар и лэ ԥэяндар. Но кала во уӷангля лэн май драго, во парудя пэско гиндо. О Жюлё ԥэнэн: «Акана мэ полав, кай всаворэ мануша фартэ шонпэ, просто вонэ по разному сыкавэн кода, со лэндэ андо ди. Важ када важно тэ прилас лэн кацавэнца, савэ вонэ исин». Старысав тэ на сыстос ла мисяйляко ӷурто, андэ саво ту щас, кодэлэса, андэ саво ту санас. Акэ со ԥэнэн и пианерка, савя ақарэн А́нна-Ли́за: «Мэ на гиндосаравас, кай по нэво ҭан авэла кадя, сар раньшэ. Но мэ важ када и пэрэлаглэм — тэ уӷанав варисо нэво».

И барэдэр ԥрала на трэбуй тэ сыстон о пурано ӷурто лэ нэвэса. Возможно, и ԥрала андэ нэво ӷурто терэн варисо па аврятэ. Но па аврятэ на сыкавэл, кай када нэ правильно. Кочай англа кода, сар тэ дэс советоря, авелоп годявэрнэс спэрва тэ полэс, васо андэ кадэя тиритория терэлпэ кадя (Эккл. 3:1, 7б). Май фэдэр тэ сыкавэс лашо примеро важ и ԥрала, чем тэ заставис лэн тэ гиндон кадя жэ, сар ту (2 Кр. 1:24).

3. Тер варисо пэстиря ригатар важ пэско нэво ӷурто (Флп. 1:27). Хоть кай тэ пэрэладэс, трэбуй бут время и зор, фартэ важно сразу тэ лэс тэ ԥирэс пэ мисяйли и, если возможно, тэ диқэспэ лэ ԥралэнца и лэ ԥэянца вживую. Если вонэ тут никала или почти никала на диқэн, сар вонэ смоӷут тут тэ подритярэн? И Люси́нда пэрэлагля пэстирэ дуе щеянца андо баро форо андэ Южно Африка. Вой росԥэнэн: «И друӷоря динэ манди совето, кай май ӥто тэ присытював каринг о нэво ӷурто. Андэ када манди поможыяс, кала мэ росԥэнавас пала Дэл варикаса анда ӷурто и давас каминтарии пэ мисяйля. Ай инке амэ екжэнэ ԥэндям, кай камас, кай и найбари мисяйля важ и служэния тэ прожал амэндэ цэрэ».

Тер лэ Дэвлэстири дила вмести лэ ԥралэнца и лэ ԥэянца андэ тиро нэво ӷурто. Када придэла зор и тути и лэнди. И барэдэр ԥрала побудисардэ, кай и Анна-Лиза тэ ԥирэл тэ росԥэнэн важ о Дэл кажнонэса анда ӷурто. Каринг со када андя? Вой ԥэнэн: «Мэ ӥто полэм, кай када сас имено кода, со манди трэбуй. Мэ полэм — о нэво ӷурто, када мэрно нэво ери». Кала притидэн андо Зало Царства пристов зор, кай котэ тэ авэс. Кадя ту полэса, кай акана када и тиро ӷурто. Со май бут лэса тэ терэс пэстиря ригатар, со май ӥто ту полэса, кай кадэла ԥрала и ԥэя ашэлэ тути фартэ куч.

4. Арак нэвэ друӷонэн (2 Кр. 6:11—13). Кай тэ подружыспэ лэ манушэса, анда вся оди шу сама лэс. Ростов пэстири дила кадя, кай тэ авэс пэ мисяйля май рано и тэ на ужастар сразу. Тоди тутэ авэла время, кай тэ подэс дума лэ ԥралэнца и лэ ԥэянца и май драго тэ уӷанэс лэн. Стов цэль, кай  тэ сэрэс сар лэн ақарэн. Лэ манушэнди чалёл, кала лэндэ взвинпэ па алавэстэ. Ав одяло и просто, кай лэ манушэнди тэ авэл май вушэро туса тэ общяюца. Када пашарэла аврэн каринг тутэ. И, возможно, тутэ ӥто появинапэ нэвэ друӷоря.

На́ старысав тэ притерэспэ, кай тэ чалёс лэ ԥралэнди и лэ ԥэянди. Ав кацаво, саво ту и исин. Акэ со росԥэнэн и Люсинда: «Амэ ақарасас пэстэ цэрэ лэ ԥралэн и лэ ԥэян. Кадя амэндэ появисайлэ лашэ друӷоря».

«АНДА ДИ ШОН САМА ЕК ЕҚЭС»

Дэсавэн даравэл о гиндо, кай если вонэ жана андо Зало Царства, ай котэ вонэ никас на ӷанэн. Сар кажно андар мэндэ можэт тэ поможый кодэлэнди, ко пэрэжыля андэ нэво ӷурто? О апостало Павло пистросардя: «Анда ди шон сама ек еқэс, сар и о Христос анда ди шутя сама тумэн» (Римо 15:7). И барэдэр ԥрала лэн примеро па Исус Христос. Вонэ заботинпэ пала кодэла, ко пэрэжыля андэ лэнго ӷурто, кай вонэ май ӥто тэ присытён. (Диқэн и рамка  «Со тэ стерэс, кай тэ авэл май вушэро, кала пэрэладэс?») Но най кати и барэдэр ԥрала моӷут тэ поможын лэнди, кай вонэ тэ чуствуют пэс сар цэрэ. Када моӷут тэ стерэн всаворэ андо ӷурто, дажэ и бэяцэ.

Сар анда вся ди тэ шас сама лэ нэвэ ԥралэн и ԥэян? Можно тэ ақарас лэн пэстэ тэ побэшэн. Ай инке можно тэ ԥэнас, кай амэ ӷотови варисар тэ поможысарас лэнди. Например, кала ек ԥэй пэрэлагля по нэво ҭан, и катутни пианерка сыкадя лати о форо. Кадяжэ вой лати росԥэндя, пэр со и каринг вой можэт тэ доладэл. И пианерка одялэс обжыляпэ кадэла пьяса. Када ля фартэ лэ одестар ла и поможысардя май ӥто тэ присытёл каринг и нэви жызня.

КАЛА ПЭРЭЛАДЭС КАДА ПОМОЖЫЙ ТЭ БАРЁС

Кай и саранча смоӷла тэ вурял, латирэ ԥақа трэбуй тэ авэн састэ. Но англа када вой най еқвар сшол пар пэстэ и мурцы. Кадэва примеро можэт тэ поможый кодэлэнди, ко пэрэладэл андэ нэво ӷурто. Тумэнди трэбуй тэ отшон пэстар всаворэ пэрэжывании, савэ на домэкэн анда вся ди  тэ служын лэ Иеговасти. Тумэнди, ԥэнэса, трэбуй тэ росшон и ԥақа. О Никола и Селина ԥэнэн: «Кала пэрэладэс, када розлашо тренажёро. Андэ нэвэ ситуацыи и нэвэ манушэнца, амэнди прижыляпэ дэсо тэ парувас андэ пэско характеро». О Жан-Шарлё росԥэнэн, сар кода, кай вонэ пэрэлаглэ, повлияло пэ лэско ери: «Амарэ бэяцэ расцвели андэ нэво ӷурто. Через дэсавэ шона амари щей ля тэ выступает пэ мисяйля, сави прожал по машкар курко, ай о шаво ашэля некрещёно возвещателё».

Ай со, если тумэ камэн тэ пэрэладэн, кай май бут тэ росԥэнэн важ о Дэл, но через дэсавэ маменторя тумэндэ када на вижал тэ стерэн? Тоди прилэн и советоря анда кадэя статья андэ пэско ла мисяйляко ӷурто. Када поможыя тэ диқэн пэр лэстэ, сар по нэво, и тумэ дэна наздив кодэлэстар, сар дэ фартэ тумэнди лэла вся тэ чалёл. На́ парашэн тэ састярэн пэстири вера. Терэн варисо пэстиря ригатар важ пэско ӷурто. Доԥэндён тэ росԥэнэн пала Дэл разнонэ ԥралэнца и ԥэянца. Виарақэн нэвэ друӷонэн и на забистрэн пала кодэла, савэ тумэндэ ужэ исин. Погиндон, касти андо ӷурто тумэ можэте тэ поможын. Кала тумэ сыкавэн и христианско любовь, тумэ инке май фартэ пашона каринг о Иегова и полэна лэ одеса, кай тумэ лэсти уӷодни (Иоан. 13:35). Важ кода кай «кацави дила, сар жэртва, и вой уӷодно лэ Дэвлэсти» (Евр. 13:16).

Чаче, кала пэрэладэн, моӷут тэ авэн нэвэ трудности. Но бутэ ԥралэндэ и ԥэяндэ вижыля лэн тэ ришын и тэ авэн бахталэ по нэво ҭан. Тутэ тожэ вся вижала! И Анна-Лиза ԥэнэн: «Када поможысардя манди тэ диқав, кай андэ мэрно ди фартэ бут ҭан и хутила важ всаворэ, сар важ и друӷоря, савэ сас, кадя жэ и важ и нэвэ». И ԥэй Кадзуми ԥэнэн: «Кала мэ пэрэлаглэм, мэ диқлэм по Иегова авря ригатар. Акана мэ лэсти патяв инке май фартэ». Ай о ԥрал Жюлё росԥэнэн: «Мандэ появисайлэ друӷоря и мандэ нинай кацаво по ди, кай мэ най пэ пэско ҭан. Кадэва ӷурто ашэля важ мандэ, сар мэрно ери. Акана манди авэла дажэ фартэ ԥарэс тэ ашавав кадэва ӷурто и тэ пэрэладав андэ авэр».