1. Пар со дицол, кай о мануш каийпэ?

 КАЛА амэ терас вэрыто, амэнди фартэ важно тэ каисавас. Анда Библия дицол: если о мануш каийпэ, во лэл па аврятэ тэ диқэл пэ кода, сар во жувэлас, парашэл тэ андярэл пэс неправильно и старыийпэ будэр кадя тэ на терэл.

2. Васо всаворэ амэ трэбуй тэ ӷанас, со када тэ каиспэ? (Неемия 8:9—11).

² Кажно мануш трэбуй тэ ӷанэн, со када тэ каийпэ. Васо? Важ кода кай всаворэ амэ кажно дес шылисавас. Амэ — лэ Адамостирэ и ла Еватирэ бэяцэ, кочай амэнди пэрэдяпэ о бэзэх и смэрть. Ни еқэ манушэс када на обжыля ригаса (Римо 3:23; 5:12). Дажэ кодэла мануша, савэ сас лэ Дэвлэстирэ пашутнэ друӷоря, кацавэ сар о апостало Павло, боринаспэ лэ бэзэхэса (Римо 7:21—24). Сыкавэл када, кай через о бэзэх амэндэ никала на авэла бахтали жызня? Най. О Иегова фартэ одяло, и во камэл, кай амэ тэ авас бахталэ. Роздиқаса, со сас кай и евреёря, савэ жувэнас, кала правияс о Неемия. (Проадинон Неемия 8:9—11.) О Иегова на камэлас, кай вонэ тэ загрыжонпэ через и бэзэха, савэ варикала стердэсас. Во камэлас, кай вонэ тэ андярэн лэстири время лошаса. О Иегова ӷанэн: если амэ каисавас, амэ можэм тэ авас бахталэ. Кочай во росԥэнэн амэнди, со када тэ каиспэ. Если амэ каисавас андэ пэстирэ бэзэха, амэ можэм тэ патяс, кай амаро одяло Дад простия амэн.

3. Со амэ уӷанаса анда кадэя статья?

³ Анда кадэя статья амэ уӷанаса, со значит тэ каиспэ. Спэрва амэ шаса сама, сар о Иегова поможыяс лэ израильтянонэнди тэ полэн, со када тэ каинпэ. Потом амэ подаса дума, сар о Иегова поможыяс тэ каинпэ лэ манушэнди, савэ стердэ бэзэх. И тоди амэ розласапэ, сар о Исусо поможыяс пэстирэ учениконэнди тэ полэн, со када тэ каинпэ.

 САР О ИЕГОВА ПОМОЖЫЯС ЛЭ ИЗРАИЛЬТЯНОНЭНДИ ТЭ ПОЛЭН, СО КАДА ТЭ КАИНПЭ

4. Сар о Иегова поможыяс пэстирэ народости тэ полэл, со када тэ каийпэ?

⁴ Кала о Иегова стидя о израильско народо, во стердя лэнца доӷоворо. Во дя алав, кай если вонэ лэна тэ ритярэн лэско законо, тоди во лэла тэ фэрий лэн и тэ дэл лэнди бут лашымос. О Иегова ԥэндя пала када кадя: «О законо, саво мэ тумэнди дав адес, най дур тумэндар и най ԥаро [важ тумэндэ]» (Втор. 30:11, 16). Но со, если и израильтяноря звазглопэ против о Дэл и, например, линоп тэ тэлён аврэ дэвлэнди? Тоди о Иегова парашэлоп тэ заботийпэ пала лэндэ. Када андоп лэнди бут ԥаримос и бида. Но дажэ када на сыкадоп, кай о Дэл совсем одбанделя лэндар. И израильтяноря моӷли тэ ринпэ каринг о Иегова и тэ кандэн лэс (Втор. 30:1—3, 17—20). Аврэ алавэса, лэндэ авелоп возможность тэ каинпэ. Тоди о Иегова ашэлоп каринг лэндэ май пашэ и упалэ линоп тэ блаӷословий лэн.

5. Сар о Иегова сыкадя, кай на одбанделя пэстирэ найкандинэ народостар? (2 Царей 17:13, 14).

⁵ Лэ Иеговаско народо най еқвар зваздэласпэ против лэстэ. И израильтяноря най кати тэлёнас хохавнэ дэвлэнди, но терэнас и бут авэр найлащи дила. Кадэлэстар лэнди сас фартэ ԥарэс. Но о Иегова на парашэля тэ поможый кадэлэ найкандинэ народости. Через пэстирэ особи мануша во упалэ и упалэ ԥэнэнас лэ израильтянонэнди тэ каинпэ и тэ ринпэ каринг лэстэ. (Проадинон 2 Царей 17:13, 14.)

6. Сар о Иегова через пэстирэ особи мануша поможыяс пэстирэ народости тэ полэл, васо трэбуй тэ каийпэ? (Кадяжэ диқэн и картинка.)

⁶ О Иегова часто бишалэлас пэстирэ особонэ манушэн, кай тэ фэрий пэстирэ найкандинэ народос и тэ дэл лэсти годи. Например, о Еремия запистросардя: «„Рисав, найкандини манушни, Израилё“ — ԥэнэн о Иегова. „Мэ на лава тэ диқав пэр тумэндэ холяса, важ кода кай мэ отдэм тумэнди пэско ди“, — ԥэнэн о Иегова. „Мэ на лава вечно тэ ритярав и холи. Кати прижан  пэстири дош, важ кода кай ту звазглянпэ против о Иегова“» (Иер. 3:12, 13). Через о Яилё о Иегова ԥэндя: «Ринпэ каринг мандэ всаворэ́ одеса» (Иоиль 2:12, 13). Через о Исая о Иегова взвисайля: «Ашэн вужэ, вилэн мандар пэстири вэрыто дила, парашэн тэ терэн о найлашымос» (Ис. 1:16—19). Ай лэ Иезекиилёсти о Иегова ԥэндя тэ пистрой кадя: «Хэба мэ радосавав, кала мэрэл... [лэ бэзэхэско мануш]? ...Най, мэ камав, кай во тэ ашавэл пэско дром и тэ жувэл! Мэ най лошало, кала варико мэрэл, — ԥэнэн Всаворя люмако Хулай о Иегова. — Важ када мэкэн и найлащи дила и жувэн» (Иез. 18:23, 32). О Иегова фартэ лошавэл, кала и мануша каинпэ, важ кода кай во камэл, кай вонэ тэ жувэн вечно! Но када на сыкавэл, кай о Иегова просто бэшэл и аштярэл, кала о мануш, саво стердя бэзэх, тэ каийпэ, и кати потом лэл варисар лэсти тэ поможый. Роздиқаса инке дэсавэ примероря, савэ доԥэнэн кадэва гиндо.

7. Сости о Иегова камэлас тэ сытярэл пэстирэ народос?

⁷ Диқам, сости о Иегова камэлас тэ сытярэл пэстирэ народос через ек пэско особо мануш. Кадэлэ манушэс ақарэнас Осия. Лэстири хулаи и Гомерь ля тэ ԥирадёл аврэ муршэнца и дажэ ужыля лэстар каринг авэр мануш. Но сас латэ шансо тэ парудёл? О Иегова, саво ӷанэн, со лэ манушэстэ андо ди, ԥэндя лэ Осиясти: «Упалэ полюбисар пэстиря хулая, сави... [жувэл аврэса], и савя любий авэр... кадя жэ сар о Иегова любий пэско народо, хоть во и тэлёл аврэ дэвлэнди» (Ос. 3:1; Прит. 16:2). Шув сама: лэ Осиястири хулаи на парашэлас тэ андярэл пэс неправильно. И всаек о Иегова ԥэндя лэ Осиясти тэ простий ла и упалэ тэ стидэлпэ ласа a. Точно кадя жэ о Дэл на одбанделя пэстирэ найкандинэ народостар. Хоть и израильтяноря жы па коратэ сас андэ барэ бэзэха, во на парашэлас лэн тэ любий. О Дэл бишалэлас пэстирэ особонэ манушэн каринг лэндэ, кай тэ поможый лэнди тэ каинпэ и тэ парудён. Кадэва примеро сыкавэл, кай о Иегова розуӷанэн оди и во старыияпэ тэ поможый тэ каийпэ лэ манушэсти, саво на парашэл тэ андярэл пэс фартэ неправильно (Прит. 17:3). Уӷанам, сар во када терэл.

САР О ИЕГОВА ПОМОЖЫЙ ЛЭ МАНУШЭНДИ ТЭ КАИНПЭ

8. Со стердя о Иегова, кай тэ поможый лэ Каиности тэ каийпэ? (Бытие 4:3—7). (Кадяжэ диқэн и картинка.)

⁸ О Каино сас лэ Адамоско и ла Евако пэрво шаво. Пэстирэ родителёнэндар лэсти пэрэдяпэ о бэзэх, саво ля тэ цырдэл лэс каринг и неправильно дила. Но о Каино на зритярэлас пэс, и када андя лэс каринг и найлащи дила (1 Иоан. 3:12). Можэт, важ када «о Каино на уӷодисардя... [лэ Иеговасти], и во на приля лэ Каиностири жэртва». Тоди «о Каино фартэ росхоляйля, и... паруделя па муй». Со андэ кадэя ситуацыя стердя о Иегова? Во подя дума лэ Каиноса. (Проадинон Бытие 4:3—7.) Шув сама: о Иегова спокойно и анда ди дэлас дума лэ Каиноса и ԥэндя, кай если во лэла тэ терэл лащи дила, во лэс блаӷословия. Кадяжэ о Дэл ԥэндя лэ Каиности, каринг со анэна о бэзэх, но о Каино на закамля тэ приашундёл. Во на дя лэ Иеговасти тэ поможый лэсти тэ каийпэ. Но дицол па кадэя ситуацыя, кай о Иегова будэр никасти на лэла тэ поможый тэ каийпэ? Най и инке еқвар най!

9. Сар о Иегова поможысардя лэ Давидости тэ каийпэ?

⁹ О Иегова сас глаба пала царё Давидо. Во дажэ ԥэндя, кай када мануш, саво лэсти па ди (Дила 13:22, сноска). Но о Давидо стердя фартэ барэ бэзэха: во сас аврэ манушэстиря  хулаяса и умардя манушэс. Па лэ Моисеёско законо лэс трэбуй сас тэ казнин (Лев. 20:10; Чис. 35:31). Но о Иегова здиқля пэр лэстэ и ля лэстири дила андэ пэстирэ вас b. О Давидо инке на каисайля, ай о Иегова ужэ бишалдя каринг лэстэ пэстирэ особонэ манушэс лэ Нафанос. Кай тэ лэл лэ царёс лэ одестар, о Нафано росԥэндя ек примеро. О Давидо каисайля, кала поля, сар дэ ԥарэс сас по ди лэ Иеговасти кодэлэстар, со во витердя (2 Сам. 12:1—14). Посли када во пистросардя дили, анда сави дицол, сар во мучияспэ (Пс. 51). Бутэ манушэнди, савэ стердэ бэзэх, по ди ашэля май вушэро кадэла дилятар, и вой поможысардя лэнди тэ каинпэ. Амэ фартэ лошалэ, кай о Иегова кадя ковлэс обжыляпэ пэстирэ манушэса лэ Давидоса и поможысардя лэсти тэ каийпэ!

10. Со тутэ по ди кодэлэстар, кай о Иегова ковлэс обжалпэ амэнца и простий амэн?

¹⁰ Лэ Иеговасти гряца любо бэзэх (Пс. 5:4, 5). Но во ӷанэн, кай всаворэ амэ бэзэхэстирэ, и во камэл тэ поможый амэнди тэ биросарас о бэзэх, важ кода кай любий амэн. Дажэ если о мануш тасол андэ пэстирэ бэзэха, о Иегова на парашэл тэ поможый лэсти тэ каийпэ и тэ ашэл лэско друӷо. Сар жэ вушэро по ди, кай амэ када ӷанас! Кала амэ гиндосарас, пэскати дэ терпеливо о Иегова и сар во простий, амэ инке май фартэ камас тэ кандас лэс и сразу тэ каисавас, если стердям варисо най кадя. Ай акана диқам, сар о Исусо поможыяс пэстирэ учениконэнди тэ полэн, со када тэ каинпэ.

САР О ИСУСО ПОМОЖЫЯС ПЭСТИРЭ УЧЕНИКОНЭНДИ ТЭ ПОЛЭН, СО КАДА ТЭ КАИНПЭ

11, 12. Сар о Исусо сыкадя, кай лэско Дад любий тэ простий? (Диқэн и картинка.)

¹¹ Андо пэрво вико андэ амари эра поджыля и время, кай тэ авэл о Избрано. Сар ԥэнэнаспэ андэ пэрво статья, о Иегова позаботисайля, кай о Иоано Крестителё и о Исусо Христос тэ сытярэн лэ манушэн кодэлэсти, сар дэ важно тэ каинпэ (Матф. 3:1, 2; 4:17).

¹² Кала о Исусо жувэлас пэ ԥув, во росԥэнэнас лэ манушэнди, кай лэско Дад любий  тэ простий. Со май драго о Исусо сыкадя када, кала росԥэндя пала тэрно мануш, саво ужыля цэрал. Кадэва шаворо дэсави время андярэлас роспутно жызня. Но потом во обгиндосайля и рисайля цэрэ. Сар лэс приля лэско дад? О Исусо ԥэндя: «О дад дурал додиқля лэс, и лэсти ашэля жалко пэстирэ шавэс. Во прастая каринг лэстэ, обля лэс и чуминдя». Кадэва шаворо дажэ на гиндояс, кай лэско дад простия лэс, важ када во мангля, кай во тэ наймий лэс сар бутярнэс андэ пэстири града. Но лэско дад ԥэндя пэр лэстэ «мэрно шаво» и приля лэс палпалэ андо ери. Во ԥэндя: «[Во] хасарделя и рисайля» (Лука 15:11—32). Инке жы каринг кода сар тэ авэл пэ ԥув, о Исусо най еқвар диқэлас, сар лэско Дад жалуияс лэ манушэн, савэ стердэ бэзэх, но потом каисайлэ. Кала амэ адиносарас пала кадэва шаворо, амэнди по ди ашэл май вушэро, и амэ диқас, саво дэ одяло амаро небесно Дад, о Иегова!

13, 14. Со о Пётро поля пала кода, со када тэ каиспэ, и сости во сытярэлас аврэн? (Кадяжэ диқэн и картинка.)

¹³ О Исусо поможысардя лэ Петрости драго тэ полэл, со када тэ каиспэ и тэ простис. О Пётро часто шылияспэ, но о Исусо анда ди лэс простияс. Например, о Пётро тривар отԥэнделя пэстирэ Учителёстар и посли када лэс халас и дош (Матф. 26:34, 35, 69—75). Но кала о Исусо жунделя, во сыкаделя лэ Петрости, кала во сас екжэно (Лука 24:33, 34; 1 Кр. 15:3—5). Канешно, о Исусо ӷанэнас, кай о Пётро каийпэ. Во камэлас тэ сыкавэл пэстирэ апостолости, кай простисардя лэс.

¹⁴ Кала о Пётро поля пар пэстэ, со када тэ каиспэ и кала тут простин, во моӷ тэ сытярэл кадэлэсти и аврэн. Через дэсави время посли лэ Куртенго празнико о Пётро ԥэндя лэ евреёнэнди, кай вонэ умардэ лэ Избранонэс. Но во всаек ковлэс взвисайля каринг лэндэ: «Каинпэ и парудён, кай тэ стрийпэ тумаро бэзэх и кай о Иегова тэ дэл тумэнди покоё»  (Дила 3:14, 15, 17, 19, сноска). Кадэлэ алавэнца о Пётро сыкадя, кай, кала о мануш каийпэ, во лэл тэ парудёл. Вижал, во трэбуй тэ парувэл пэско неправильно гиндо, тэ мэкэл и найлащи дила и тэ терэл кода, со радуий лэ Дэвлэс. О апостало кадяжэ ԥэндя, кай о Иегова стрия лэнго бэзэх и лэстар на ашэлапэ и слидо. Ай через бут бэрша о Пётро пистросардя лэ христианонэнди: «О Иегова... тэрпий и старыийпэ тэ поможый тумэнди. Важ кода кай во на камэл, кай варико тэ хасарэл и жызня, во камэл, кай всаворэ тэ каинпэ» (2 Пёт. 3:9). Сар жэ драго тэ ӷанас, кай о Иегова простий дажэ баро бэзэх!

15, 16. а) Сар о апостало Павло поля, со када кала тут простин? (1 Тимафеё 1:12—15). б) Со амэ уӷанаса анда авэр статья?

¹⁵ О Савло анда Тарсо терэлас бут найлашымос. Во жэстоко ӷонияс лэ Христостирэ учениконэн. Наверно, бут христианоря гиндонас, кай кадэлэ манушэс ужэ нисо на парувэла и во никала на каияпэ. Но о Исусо диқэлас пэр лэстэ най кадя, сар и мануша. Во и лэско Дад додиқлэ варисо лашо андэ лэ Савлоско ди. О Исусо ԥэндя: «Мэ витидэм кадэлэ манушэс» (Дила 9:15). Во дажэ стердя чуда, кай о Савло тэ каийпэ (Дила 7:58—8:3; 9:1—9, 17—20). Кала о Савло — саво ӷэт май интя ашэля ашунгло сар апостало Павло — ашэля христианино, во най еқвар ԥэнэнас, сар во блаӷодарно лэ Иеговасти и лэ Исусости, кай вонэ здиқлэ пэр лэстэ и сас одялэ каринг лэстэ. (Проадинон 1 Тимафеё 1:12—15.) О апостало сытярэлас лэ ԥралэн и лэ ԥэян: «Па пэско баро ковло ди... [о Дэл] камэл тэ поможый тути тэ каиспэ» (Римо 2:4).

¹⁶ Еқвар о Павло ашундя, кай андо каринфско ӷурто ԥандавэн и яқа по билажавардимос, саво терэл ек христианино. Со стердя о Павло? Анда лэско письмо кадэлэ ӷуртости амэ бут со уӷанас пала Иегова. О Дэл любий пэстирэ манушэн и важ када лэсти дэкала прижалпэ лэн тэ просытярэл. И кала вонэ каинпэ, во жалуий лэн и анда ди простий. Амэнди тожэ трэбуй тэ авас одялэ и тэ жалуисарас аврэн. Анда авэр статья амэ май драго уӷанаса, со тердяпэ андо каринфско ӷурто.