«Любин ек еқэс»

«Мэ дав тумэнди нэво законо, любин ек еқэс. Сар мэ любисарав тумэн, кадя и тумэ любин ек еқэс. И кала машкар тумэндэ авэла любовь, всаворэ ӷатярэна, кай тумэ мэрнэ ученикоря» (ИОАННА 13:34, 35).

Со када сыкавэл. О Христос ԥэндя пэстирэ учениконэнди, кай вонэ тэ любин ек еқэс кадяжэ, сар во любияс лэн. Ай сар о Иисусо любияс пэстирэ учениконэн? Лэстири любовь сас май бари чем о гиндо андэ кодэя время, кай и жувли най мануш, ай и чужи народоря нисо на ашэн. (Иоанна 4:7—10). О Иисусо фартэ любияс аврэн и важ када во на жалуияс пэстири время и о зор, кай тэ дэл помощь лэнди (Марка 6:30—34). Кадяжэ о Иисусо сыкадя со май бари любовь, во ԥэндя: «Мэ, лашо пастухо. Лашо пастухо отдэл пэсти жызня важ пэстирэ бакрорэ» (Иоанна 10:11).

Сар терэнас и пэрви христианоря. И христианоря андо пэрво вико ԥэнэнас ек пэ ек ԥрала и ԥэя (Филимону 1, 2). Важ кода кай вонэ гиндонас кай нинай различия машкар иудеё и ӷреко, важ кода кай ек Дэл англа всаворэ. Вонэ анда вся оди прилэнас андэ пэстирэ собрании лэ манушэн анда всаворэ народоря (Римлянам 10:11, 12). Посли Пятидесятница андо 33 бэрш лэ И. Х. и ученикоря андо Иерусалимо «битинэнас пэско хабэ и ԥув и розделинас кадэла ловэ машкар всаворэ, ко андэр со нуждался». Пэрсо? Кай кодэла, ко найдэлмут болделэ моӷли тэ ашэнпэ андо Иерусалимо и май драго тэ сытён кодэлэсти, сости сытярэн и апостолоря (Деяния 2:41—45). Васо кадэла христианоря кадя терэнас? Варикай через 200 бэрш сар мулинэ и апостолоря о Тертуллиано запистросардя, со ԥэнэнас пала кадэла христианоря: «Сар вонэ любин ек еқэс... кай ӷотови дажэ тэ мэрэн ек пала аврэстэ».

Ко терэл адес кадя? Андэ книӷа «История упадка и разрушения Римской империи», сави вимэклэ андо 1837 бэрш, сас пистромэ, кай важ бут бэрша кодэла, ко ԥэнэнас пэр пэстэ христианоря, «стердэ ек аврэсти май бут найлашимос, чем виритярдэ кодэлэндар, ко сас нэверующи». Ай найдэлмут андэ США проандярдэ исследования и полинэ, кай и религиозни чуства, бутэ манушэндирэ, савэ ԥэнэн, кай вонэ христианоря, фартэ сԥанглэ кодэлэса, кай вэрыцын лэ манушэн анда авэр нацыи. Обычно и мануша анда ек вера, савэ жувэн андэ разни страны, на гиндон ек пала ек и важ када нэ моӷут или на камэн тэ дэн помощь, кала авэр нуждаюца.

Кала андо 2004 бэрш пэ Флорида важ дуй шон сжылэ штар ураӷаноря, о председателё Камитета па чрезвычайни ситуацыи андо штато Флорида закамля тэ продиқэл, правильно ли используеца и помощь, сави дэл о Камитето. Во ԥэндя, кай ни ек авэр арӷанизацыя на терэл кадя дэ драго, сар лэ Иеговастирэ свидетеля. Во дажэ ԥэндя, кай и Свидетеля тэ лэн вся, со лэнди трэбуй. Май англал андо 1997 бэрш, кала андэ Демократическо Республика Конго сас бида, и добровольцоря анда лэ Иеговастирэ свидетеля андэ хамос, драба и ӥда пэстирэ ԥралэнди па вера и аврэ манушэнди. Андэ кодэя время лэ Иеговастирэ свидетеля анда европейски страны стидэ вся, со трэбуй лэ манушэнди, и пэ ловэ када вижыля варикай милионо долларов США.